web counter
LEXO PA REKLAMA!

SHKARKO APP

E fundit!

x

SHBA, krah SPAK-ut/ Zyrtari i lartë i DASH-it, takim me Dumanin dhe prokurorët e posaçëm

20 Qershor 2024, 18:28, Aktualitet CNA
SHBA, krah SPAK-ut/ Zyrtari i lartë i DASH-it, takim me Dumanin dhe
Zyrtari i DASH-it, Richard Nephew me kreun e SPAK-ut, Altin Dumani. Burimi, Ambasada e SHBA-së në Tiranë

Zyrtari i DASH-it, Richard Nephew zhvilloi këtë të enjte një takim me kreun e SPAK-ut, Altin Dumani dhe prokurorët e posaçëm.

Richard Nephew shprehu edhe njëherë mbështetjen e SHBA-ve për SPAK-un dhe institucionet e drejtësisë.

Gjithashtu, Koordinatori për Anti-Korrupsionin Global takoi edhe përfaqësues të Ministrisë Anti-Korrupsion, ILDKPKI-së dhe Agjencisë së Prokurimit Publik.

Lajmin e ka konfirmuar ambasada amerikane në Tiranë, e cila deklaron se takimet kishin në fokus forcimin e pavarësisë së gjyqësorit dhe luftën kundër korrupsionit.

“Koordinatori për Anti-Korrupsionin Global, Richard Nephew pa sot në veprim institucionet gjyqësore shqiptare gjatë takimeve me kreun e SPAK, Altin Dumani, prokurorët e SPAK, si dhe përfaqësues të Ministrisë Anti-Korrupsion, Inspektoratit të Lartë të Deklarimit dhe Kontrollit të Pasurive dhe Konfliktit të Interesit (ILDKPKI) dhe Agjencisë së Prokurimit Publik. Nephew dhe zyrtarët shqiptarë diskutuan përpjekjet e vazhdueshme për forcimin e pavarësisë së gjyqësorit dhe luftën kundër korrupsionit. Shtetet e Bashkuara do të vazhdojnë të mbështesin institucionet e drejtësisë që po forcojnë demokracinë e Shqipërisë teksa ajo përparon në rrugën e saj drejt BE-së”, thuhet në deklaratën e ambasadës së SHBA-së./ CNA





Lajmet e fundit nga