web counter
LEXO PA REKLAMA!

SHKARKO APP

App Store
Google Play

Peza përdor RTSH-në për ironi me opozitën/ PD: Të merren masa

19 Qershor 2024, 22:00, Aktualitet CNA
Peza përdor RTSH-në për ironi me opozitën/ PD: Të
Drejtori i RTSH-së, Alfred Peza. Burimi, LSA

CNA denoncoi këtë të mërkurë drejtorin e RTSH-së, Alfred Peza, i cili kishte përdorur rrjetet sociale të televizionit për të ironizuar Partinë Demokratike.

Në faqen e RTSH-së u publikua një foto e një tifozi shqiptar në stadiumin “Volksparkstadion” të Hamburgut, i cili mbante mbi shpinë flamurin e PD-së, ndërsa në fushë shiheshin dy porta. (Lexo këtu)

Fotoja ishte shoqëruar me përshkrimin “Tani që morëm vulën” dhe me simbolin me dy gishta.

Peza përdor RTSH-në për ironi me opozitën/ PD: Të
Postimi i marrë nga rrjetet sociale të RTSH-së

Pas denoncimit të CNA-së, Peza e fshiu postimin ironik për opozitën, ndërsa tashmë ka ardhur një reagim edhe nga deputetja e PD-së, Ina Zhupa. (Lexo këtu)

Kjo e fundit kërkon të merren masa ndaj Pezës, ndërsa thekson se as televizionet e shteteve diktatoriale nuk janë përdorur kaq keq sa RTSH-ja.

Gjithashtu, ajo përmend faktin se Alfred Peza ka zhdukur sportet nga RTSH-ja dhe ka humbur të drejtat e transmetimit të europianit.

Peza përdor RTSH-në për ironi me opozitën/ PD: Të
Deputetja e PD-së, Ina Zhupa. Burimi, PD

“RTSH paguhet nga taksat e gjithë shqiptarëve dhe duhet të jetë një televizon publik në shërbim kombëtar pa asnjë politizim.

Pasi nuk garantoi dot as ndeshjet e europianit ku luan kombëtarja që të transmetoheshin në RTSH, nga paaftësia e drejtuesit dhe jo vetëm, tani i lejon vetes të sulmoj dhe të vërë në lojë opozitën.

As televizionet e shteteve diktatoriale nuk janë përdorur kaq keq, por kur drejtohesh nga ideatori i Tv Peqinit Alfred Peza, këto do jenë pasojat.

I bëj thirrje Këshillit Drejtues të kërkoj fshirjen e postimit dhe marrjen e masave për këtë sjellje”, nënvizon Zhupa./ CNA

Peza përdor RTSH-në për ironi me opozitën/ PD: Të





Lajmet e fundit nga