web counter
LEXO PA REKLAMA!

SHKARKO APP

App Store
Google Play

E fundit!

x

Alfred Peza fshin postimin pas denoncimit të CNA-së

19 Qershor 2024, 16:33, Aktualitet CNA
Alfred Peza fshin postimin pas denoncimit të CNA-së
Drejtori i RTSH-së, Alfred Peza. Burimi, LSA

Skandalet e Alfred Pezës në krye të RTSH-së duket se nuk kanë të sosur. I radhës ishte një ironi që Peza bëri me opozitën duke shfrytëzuar rrjetet sociale të Radio Televizionit Shqiptar.

Ai publikoi një foto të një tifozi shqiptar në stadiumin “Volksparkstadion” të Hamburgut, i cili mbante mbi shpinë flamurin e PD-së, ndërsa në fushë shiheshin dy porta. (Lexo këtu)

Kjo foto ishte shoqëruar me përshkrimin “Tani që morëm vulën” dhe simbolin me dy gishta.

Alfred Peza fshin postimin pas denoncimit të CNA-së
Postim i marrë nga rrjetet sociale të RTSH-së

CNA denoncoi këtë skandal, që tregonte se Peza i kishte “kthyer” rrjetet sociale të RTSH-së në faqe memesh, për të goditur opozitën. 

Pas shkrimit të publikuar në CNA, Peza zhduku statusin nga rrjetet sociale. Nga një kontroll i thjeshtëm, vihet re se RTSH-ja e ka fshirë ironinë e Pezës për opozitën.

Në fakt, ky nuk është rasti i parë që Peza bën një gjest të tillë, godet dhe më pas tërhiqet. E njëjta gjë ka ndodhur edhe më herët. Peza i raportoi CNA-së disa video të publikuara në Youtube me pretendimin e të drejtave të autorit, por më pas u tërhoq dhe si rrjedhojë videot u rikthyen në Youtube-n e CNA-së. (Lexo këtu)

Alfred Peza fshin postimin pas denoncimit të CNA-së
Njoftimi në e-mail për raportimin e videos nga RTSH-ja
Alfred Peza fshin postimin pas denoncimit të CNA-së
Njoftimi në e-mail për rikthimin e videos së raportuar nga RTSH-ja

Ky është niveli i kapterit Peza që qëndron në krye të RTSH-së dhe e përdor atë si të ishte pronë e tij.

Ne jemi përpjekur gjithmonë që të mos e quajmë “kapter” sepse kapterat janë njerëz të nderuar dhe të respekuar, por Peza është një sharlatan që sillet si kapter në RTSH, duke e përdorur atë për interesat personale./ CNA





Lajmet e fundit nga