web counter
LEXO PA REKLAMA!

SHKARKO APP

App Store
Google Play

Investigimi i CNA-së për Veliajn dhe Xoxën/ Këlliçi: Provat dhe faktet janë ulëritëse

19 Qershor 2024, 13:39, Aktualitet CNA
Investigimi i CNA-së për Veliajn dhe Xoxën/ Këlliçi:
Belind Këlliçi, drejtuesi politik i PD-së për Tiranën

Ditën e sotme, CNA, përmes një investigimi me prova dhe fakte, ka treguar se si kryebashkiaku Erion Veliaj ka paguar dhjetëra mijëra euro për familjarët e bashkëshortes së tij, Ajola Xoxa.

CNA tregoi pagesat e Bashkisë Tiranë për dajën e Ajola Xoxës, Erald Simixhiun, shifër që kap vlerën e rreth 93 mijë eurove (93 milionë lekë).

Pas publikimit të investigimit të CNA-së, ka reaguar drejtuesi politik i PD-së për Tiranën, Belind Këlliçi, i cili i bën thirrje SPAK-ut të ndajë njëherë e mirë këtë histori.

Këlliçi shkruan se faktet e sjella nga CNA-ja janë të ulëritëse dhe asnjë zyrtar deri më sot nuk është kapur në flagrancë dhe me dokumente përtej çdo dyshimi të arsyeshëm.

“Provat dhe faktet e korrupsionit të pronarit faktik të inceneratorit dhe kreut të bandës 5D Erion Veliaj, janë ulëritëse!

Asnjë zyrtar deri më sot, nuk është kapur në flagrancë dhe me dokumenta përtej çdo dyshimi të arsyeshëm, si kryebashkiaku i Tiranës.

SPAK duhet ta ndajë njëherë e mirë këtë histori!!!

Ose prokurorët dhe hetuesit e BKH janë kolegë të hajdutit Veliaj, ose janë aty në zbatim të ligjit dhe detyrës. Rrugë të mesme nuk ka!

Ne do vijojmë ndërkohë përballjen dhe protestat. Të premte, datë 21 qershor, ora 11:00, shihemi përpara Bashkisë Tiranë në protestën e rradhës.

O sot, o kurrë”, shkruan Këlliçi./ CNA





Lajmet e fundit nga