web counter
LEXO PA REKLAMA!

SHKARKO APP

App Store
Google Play

E fundit!

x

Publikohet teza e Matematikës/ Ministria e Arsimit: Nuk cenohet procesi

18 Qershor 2024, 11:29, Aktualitet CNA
Publikohet teza e Matematikës/ Ministria e Arsimit: Nuk cenohet procesi
Ministria e Arsimit, foto ilustruese

Ashtu si në rastin e dy testimeve të tjera, atij të Gjuhës së huaj dhe Letërsisë, është publikuar dhe teza e Matematikës pasi maturantët kanë hyrë për të dhënë provimin në sallat përkatëse.

Pas publikimit të tezës, ka reaguar Ministria e Arsimit, e cila deklaron se kjo nuk e cenon procesin e provimit.

“Ministria e Arsimit dhe Sportit siguron të gjithë maturantët dhe opinionin publik se procesi i provimit të Maturës Shtetërore në Matematikë po kryhet brenda të gjitha standardeve të sigurisë të përcaktuara në Rregulloren e Maturës Shtetërore.

Ritheksojmë se publikimi i tezës së provimit të Maturës, pas nisjes së provimit, nuk cënon në asnjë rast procesin dhe mbarëvajtjen e provimit të Maturës Shtetërore.

Rreth 28 mijë maturantë, në 144 qendrat e provimeve në mbarë vendin, vazhdojnë të zhvillojnë provimin në lëndën e Matematikës qetësisht dhe në përputhje me të gjitha standardet e sigurisë të përcaktuara në rregulloren e Maturës Shtetërore,  duke krijuar çdo mundësi për maturantët që të tregojnë aftësitë dhe kompetencat e tyre të përfituara gjatë shkollës së mesme në Matematikë.

Masat e marra paraprakisht nga Ministria e Arsimit dhe Sportit dhe strukturat arsimore, si, monitorimi i rreptë i ambientit të provimit përmes kamerave të sigurisë, trajnime shtesë për administratorët, kontrollin rigoroz të hyrjes dhe daljes në ambientet ku zhvillohen provimet, rritjen e transparencës dhe përmirësimin e kushteve të provimit për të krijuar një mjedis miqësor që ndihmon në reduktimin e stresit të maturantëve dhe përmirësimin e performancës së tyre janë siguria që Procesi i Maturës Shtetërore të jetë një proces transparent dhe i drejtë për të gjithë maturantët”, theksohet në reagimin e Ministrisë së Arsimit./ CNA





Lajmet e fundit nga