web counter
LEXO PA REKLAMA!

SHKARKO APP

App Store
Google Play

E fundit!

x

Taksimi i profesioneve të lira/ Gjykata Kushtetuese tërhiqet për vendim

18 Qershor 2024, 10:28, Aktualitet CNA
Taksimi i profesioneve të lira/ Gjykata Kushtetuese tërhiqet për
Gjykata Kushtetuese, foto: LSA

Gjykata Kushtetuese ka nisur sot seancën e hapur ku po diskutohet mbi padinë ndaj ligjit të taksimit të profesioneve të lira.

Për këtë çështje janë depozituar tri padi në Gjykatën Kushtetuese, ku palët kanë paraqitur argumentet e tyre. Aktualisht trupa gjykuese është tërhequr për të dhënë vendimin mbi paditë.

Ndërkohë jashtë ambienteve të Gjykatës Kushtetuese, përfaqësues të profesioneve të lira dhe qytetarët janë duke zhvilluar një protestë. 

Ligji i ri 'Për tatimin mbi të ardhurat' nga janari 2024 parashikon tatim me 15% dhe 23% për të vetëpunësuarit, personat fizikë dhe tregtarë të shërbimeve të profesioneve të lira.

Në total, sipas Ministrisë së Financave dhe Ekonomisë, në regjimin e ri tatimor do të përfshihen deri në 29 mijë biznese të profesioneve të lira.

Pas debateve të shumta që shkaktoi moszbatimi korrekt i ligjit, administrata tatimore rishikoi me ulje këstet e parapagimit të tatimit për profesionet e lira.

Sipas sondazheve, 23% e profesionistëve të lirë do ta mbyllin aktivitetin ose do të emigrojnë, ndërsa një pjesë e tyre kanë zgjedhur transferimin e bizneseve drejt Kosovës dhe Estonisë./CNA





Lajmet e fundit nga