E fundit!

12:34 Aktualitet

Kërkesa e protestuesve për kufizimin e mandatit të kryeministrit/ Berisha: PD e gatshme ta votojë

Kreu i PD-së, Sali Berisha, deklaroi se Partia Demokratike...

Fevziu rrëfen ëndrrën e 89-vjeçarit/ Tifozi udhëtoi nga Nju Jorku në Gjermani për Kombëtaren

17 Qershor 2024, 17:57, Aktualitet CNA

Fevziu rrëfen ëndrrën e 89-vjeçarit/ Tifozi udhëtoi

Prenjo Imeraj, foto e publikuar nga gazetari Blendi Fevziu

Gazetari Blendi Fevziu ka treguar ëndrrën 89-vjeçarit Prenjo Imeraj, i cili ndoqi nga afër ndeshjen e Kombëtares shqiptare me Italinë në Euro 2024.

Fevziu zbulon bisedën e të moshuarit me djalin e tij, të cilit i ka kërkuar ta dërgojë nga Nju Jorku në Gjermani.

Ndonëse i biri ka shprehur shqetësim për shëndetin e tij, 89-vjeçari ka këmbëngulur të ndjekë ndeshjen në stadium, pasi ka theksuar se e do shumë Shqipërinë.

Kështu, djali i tij e ka dërguar babain në Gjermani për të përjetuar emocionet e Euro 2024.

Prenjo Imeraj, foto e publikuar nga gazetari Blendi Fevziu

Statusi i Fevziut në rrjetet sociale:

Prenjo Imeraj eshte 89 vjeca. Ka ardhur nga Nju Jorku per te pare kombetaren ne Gjermani. Ja si e pershkruan deshiren e tij i nipi, Arben Imeraj:

“Xhaxhai im nga është një mjek në pension. Për më shumë se 30 vjet, si shumë prej nesh, edhe ai emigroi, duke ndjekur djalin e tij që u transferua atje larg, në Nju Jork.

- A do të më çosh në Gjermani?- e pyeti djalin e tij, muaj më parë.

- Për çfarë?

- Do doja të shihja ndeshjet e kombëtares sonë të futbollit”.

- Je 89 vjeç, o ba!

- Pikërisht, nuk kam shumë kohë për të jetuar.

- Por ti nuk ke shkuar kurrë në stadium, nga të erdhi kjo dëshirë? - vazhdon i biri.

- Tani është ndryshe.

Prenjo Imeraj, foto e publikuar nga gazetari Blendi Fevziu

- Nuk e përballon dot lodhjen dhe stërmundimin. Udhëtimi i gjatë mund të të dobësojë.

- Përkundrazi, mund të më rigjenerojë. Dua të përjetoj atmosferën që krijojnë tifozët tanë, dua të festoj edhe unë, të shoh nga afër lojtarët tanë, dua të këndoj himnin e flamurit së bashku me mërgimtarët e tjerë, edhe unë. E dua Shqipërinë...

- Kam hallin tënd, baba.

- Është dëshira ime e fundit, bir, ëndrra ime.

Është e pamundur të qëndrosh indiferent ndaj një dëshire kaq të pafajshme e të sinqertë.

- Qoftë e bërë, ba! Do shkojmë në Gjermani!

... futbolli është sporti më i bukur, jep shumë emocione. Jep gëzim, alegri, entuziazëm, lumturi, lot gëzimi.

Por Shqipëria është edhe më e bukur se futbolli. Ajo dhuron veç dashuri.

Forca Shqipëria... forca xhaxhi!”./ CNA