E fundit!

09:35 Opinione Bujar Leskaj

Bojkoti është gjithnjë gabim

Bojkoti i djeshëm nga Partia Demokratike i seancës plenare...

Dyfishimi i çmimeve në Sarandë/ Gjergj Luca: Do t'ua prish gjumin e natës bizneseve abuzuese, mblidhni mendjen!

18 Qershor 2024, 07:44, Aktualitet CNA

Dyfishimi i çmimeve në Sarandë/ Gjergj Luca: Do t'ua prish

Biznesmeni Gjergj Luca, foto e shkëputur nga rrjetet sociale

Biznesmeni dhe sipërmarrësi Gjergj Luca ndodhet në Jug të Shqipërisë, në Sarandë, nga ku ka ngritur shqetësimin për rritjen dyfish të çmimeve nga viti në vit, duke evidentuar se bizneset abuzojnë me turistët apo vizitorët që zgjedhin të vizitojnë dhe të pushojnë në këtë vend.

Biznesmeni është shprehur se kanë degraduar me cilësinë e ushqimit duke hedhur poshtë punën dhe mundin e tyre, duke i shkatërruar me dorën e tyre bizneset.

Luca cilëson se kuzhinat në lokalet përgjatë vijës bregdetare janë copë-copë, me një personel të dobët, grabitës.

Po ashtu thekson se çmimet e shezllonëve ndryshe nga çdo vend tjetër, në Korfuz apo jashtë vendit janë më të lira se në jug ku një shezllon shkon 30 mijë lekë.

Sipërmarrësi u bën thirrje kolegëve të tij biznesmenë që të mbledhin mendjen dhe të mos abuzojnë me turistët apo vizitorët pasi turizmi është i keq.

Mund të ndodhë që turistët të mos zgjedhin më të shkojnë në Jug pasi Shqipëria ka plot vende të tjera ku i presin vizitorët si mbret.

“Keni bërë gjithë këtë sakrificë, keni derdhur gjithë këtë punë, gjithë këtë mund. Pse doni ta shkatërroni me dorën tuaj. Pse ju silleni në këtë mënyrë me investimin tuaj?

Si ka mundësi që çmimet janë bërë dyfish me vjet-sivjet? Çmimet e restoranteve, të bareve, çmimet e kioskave nëpër rrugë, po mirë si do konkurroni ju?

Keni hall të konkurroni botën me çmimet. Shihni sa i keni çmimet në qendër të Tiranës. A nuk ka turistë atje?

Shihni sa i keni çmimet në qendër të Korçës, të Elbasanit. Plot me turistë janë dhe si sillemi ne me ta që sa herë na vijnë autobusë me grupe ne u rrimë, u shërbejmë, mundohemi, u japim një pije, u japim një pjatë meze me peshk ose me diçka tjetër.

Mundohemi që një grupi kur janë tifozë muzike i bëjmë dhe muzikë këndojmë dhe me ta.

Po ç’është kjo punë miq?

Ç’është kjo punë që ju punën e keni provizore dhe merrni elemente nga restorantet më të mira të Tiranës, të Durrësit, të Elbasanit dhe të Korçës, merrni personelin më të dobët, merrni njerëzit me grabitës, sepse asnjë nuk mund të lëvizë dot nga një punë që e ka konstante 12 muaj.

Dhe keni copë-copë kuzhinat përjashtoni lokalet që ju i keni gjatë gjithë vitit. Përjashto ato lokale në Sarandë dhe gjithë vijën bregdetare.

Ndërsa gjithë këta që hapin lokale sezonale me ato çmime me ato kamerierë, kuzhinierë. 30 mijë lekë shezlloni në Sarandë, ku në Korfuz shkoni pyesni sa lekë janë, shkoni shikoni në Rimini sa lekë janë?

Më vjen keq për mundin tuaj, më vjen keq për gjakun tuaj, për sakrificën tuaj që e menaxhoni në këtë mënyrë. Mos shkatërroni punën tuaj. Kushtojuni më shumë respekt njerëzve që vijojnë ju shohin nga Evropa.

Do t'ua prish gjumin e natës gjithë bizneseve abuzuese në Sarandë. Kanë rritur çmimet dyfish nga vjet, kanë degraduar me cilësinë e ushqimeve e shërbimeve nga viti në vit...

Mblidhni mendjen miqtë e mi biznesmenë, mos abuzoni me turistët e me vizitorët se turizmi është i keq.

Vjen një ditë e të braktis dhe nuk kthehet më te ti. Shqipëria ka plot vende të tjera ku të presin si mbret!”, është shprehur Gjergj Luca./ CNA