web counter
LEXO PA REKLAMA!

SHKARKO APP

App Store
Google Play

E fundit!

x

Peza shkarkon nga puna koordinatoren e RTSH-së/ Denisa Plaka për CNA: Kam nisur procedurat për gjyq

18 Qershor 2024, 16:59, Aktualitet CNA
Peza shkarkon nga puna koordinatoren e RTSH-së/ Denisa Plaka për CNA:
Alfred Peza

Drejtori i Radio Televizonit Shqiptar, Alfred Peza, ka shkarkuar një tjetër punonjëse nga detyra.

Në redaksinë e CNA-së ka ardhur një denoncim se Peza ka shkarkuar nga puna një nga koordinatoret e televizionit, Denisa Plaka, edhe pse me një eksperiencë 20-vjeçare në këtë fushë. 

Ky është një shkarkim i radhës, ku Peza është kapur pas një gabimi dhe ka hequr nga puna punonjësen. Vendimi i marrë nga Peza mban datën 14 qershor dhe punonjësja është urdhëruar që të largohet nga detyra më 18 qershor. 

Peza shkarkon nga puna koordinatoren e RTSH-së/ Denisa Plaka për CNA:
Vendimi i marrë për shkarkimin nga Alfred Peza
Peza shkarkon nga puna koordinatoren e RTSH-së/ Denisa Plaka për CNA:
Vendimi i marrë për shkarkimin nga Alfred Peza

Në lidhje me shkarkimin Denisa Plaka në një prononcim për CNA është shprehur se motivacioni i shkarkimit nuk qëndron, pasi gabimi që është bërë nuk ka qenë përgjegjësi e saj, por e regjisorit. 

Plaka theksoi se ka nisur procedurat për një proces gjyqësor në lidhje me shkarkimin, pasi sipas saj gjithçka është e paligjshme. 

"Këtë gjë po bëjnë me të gjithë punonjësit. Gjejnë arsye dhe kapen me njerëzit sepse duan që t'i heqin nga puna. Motivacioni në vendim nuk qëndron, pasi për gabimin që është bërë, detyra ka qenë e regjisorit dhe jo e imja. Unë kam qenë në rolin e koordinatores. Fillimisht jam pezulluar nga puna më 31 maj për mos kontroll të materialeve përpara transmetimit, detyrë që nuk më përkiste mua, por regjisorit. I jam drejtuar Këshillit Drejtues të RTSH-së me një shkresë më datë 3.06.2024, nga i cili nuk kam marrë asnjë përgjigje. Në datën 7.06.2024 kam paditur RTSH në gjykatë. Shkarkimi im është i paligjshëm jo vetëm për arsyet shkarkimit që nuk ekzistojnë, por edhe për faktin se për çështjen time duhet të flasë fillimisht gjykata. Padia e detyron RTSH-në të ndërpresë të gjitha procedurat deri në momentin që gjykata shprehet për rastin tim", tha ajo. 

Kështu, kreu i RTSH-së vijon me shkarkimet e punonjësve në këtë insititucion që paguhet me taksat e shqiptarëve. 

Gjithë shkarkimet ndaj profesionistëve, si gazetarë, regjisorë, teknikë, financierë dhe kameramanë, kanë nisur sapo Peza mori drejtimin e RTSH-së në qershor të 2023-shit.

Për shkarkimet kolektive nga puna Alfred Peza është kallëzuar edhe në SPAK. Për largimet nga puna, ish-punonjësit kanë vënë në dijeni ambasadat, Bashkimin Evropian dhe sekretarin e Përgjithshëm të OKB-së, Antonio Guterres./CNA





Lajmet e fundit nga