web counter
LEXO PA REKLAMA!

SHKARKO APP

App Store
Google Play

“Kapter” Peza fundos RTSH-në/ Bien të ardhurat me 67% nga shitja e reklamave

12 Qershor 2024, 12:35, Aktualitet CNA
“Kapter” Peza fundos RTSH-në/ Bien të ardhurat me 67% nga
Alfred Peza, burimi LSA

Raporti vjetor i Radiotelevizionit Publik Shqiptar i dorëzuar në Kuvendin e Shqipërisë së fundmi, tregon se të ardhurat nga shitja e reklamave kanë rënë me 67% vitin e kaluar, gjë që shtyu qeverinë të japë më shumë para nga taksat e shqiptarëve për të mbuluar shpenzimet e këtij institucioni publik për pagesat e punonjësve. Ndërkohë që qeveria ende nuk ka llogaritur paratë që duhet të japë edhe për punonjësit e larguar me të padrejtë nga humori i drejtuesit të këtij institucioni, z.Alfred Peza.

Janë dhjetëra dosje të depozituara në gjykatë që presin një vendim për urdhrat e dhënë nga drejtori Peza për pushim nga puna në shkelje të plotë të ligjit.

Në raportin prej 300 faqesh administrata e “kapter” Pezës mburret me rritjen e ndjekësve në “Instagram” dhe “TikTok”, por me sa duket harrojnë një detaj të vogël, që bën dallimin e madh.

Ndjekësit në fakt janë shtuar pas postimeve në rrjet të gafave të prezantuesve të përzgjedhura me aq merak nga vetë drejtori për “nivelin e lartë kulturor”, por që në fakt nuk kishin dëgjuar ndonjëherë për “kampin e Aushvicit”.

“Kapter” Peza fundos RTSH-në/ Bien të ardhurat me 67% nga
RTSH, foto e marrë nga Google

Nëse do të hidhnim një shikim të shpejtë në faqen zyrtare të TVSH-së, në “YouTube”, edicionet qendrore të lajmeve në TVSH, nuk i kalon 200 shikime. Nuk e dimë se ku gjenden këta ndjekës që janë shtuar kaq shumë sipas drejtorit të gjithëditur, por që vetëm të drejtojë një media publike mesa duket nuk di.

Sipas raportit, të ardhurat e televizionit publik shqiptar nga shitja e reklamave kanë rënë në vetëm 72 milionë lekë, (720 mijë euro) gjatë vitit 2023, në krahasim me 217 milionë lekë që patën qenë në vitin 2022, një rënie dramatike kjo me 67%, si dhe niveli më i ulët i të ardhurave në së paku tri vjet.

Të dhënat janë publikuar në raportin vjetor të këtij institucioni, i depozituar për shqyrtim në Kuvendin e Shqipërisë. Raporti nuk mbart shpjegime se pse ka ndodhur kjo rënie e të ardhurave përveç konkluzionit të thatë se ato kanë qenë sa 48% e planit vjetor.

“Kapter” Peza fundos RTSH-në/ Bien të ardhurat me 67% nga
Alfred Peza, burimi LSA

Mesa duket teoria e z. drejtor nuk ka funksionuar, pasi me marrjen e detyrës kishte premtuar se do bënte namin me të ardhurat nga reklama, duke u bërë presion punonjësve që të gjenin reklama, pasi çdo emision do të bëhej me vetëfinancim nëpërmjet sponsorizimeve.

Megjithatë, në ekranin e televizionit publik nuk luhet asnjë reklamë përveç sporteve reklamuese se si janë lyer me bojë studiot e emisioneve, apo vetë godina, ambiente që vetë drejtori ia prezanton me shumë krenari çdo personi që merr autorizimin për të futur në ambientet e TVSH-së, të cilat që me ardhjen e Pezës janë kthyer në një burg për punonjësit e këtij institucioni.

“Kapter” Peza fundos RTSH-në/ Bien të ardhurat me 67% nga
RTSH, foto e marrë nga Google

Pas shëtitjes që vetë kapteri u bën “vizitorëve” duke i shoqëruar në çdo ambient të këtij institucioni deri edhe në tualete, nuk i lë pa i gostitur edhe me një kafe në lokalin që së fundmi ka hapur brenda institucionit, që zërat e ligj thonë se është në pronësi të djalit të tij emigrant në Angli.

Spiunët e institucionit tashmë u duhet të vëzhgojnë të gjithë punonjësit që pinë kafe e hanë byrek jashtë lokalit, pasi nga bilancet e fundit, të ardhurat nga lokali janë në ulje. Në të kundërt që kapteri të bëjë gjumin e qetë e që të mos shkojë në ambientet e institucionit që në orën 5:00 të mëngjesit duke u bërë terror punonjësve, nga paranojat që po e lënë pa gjumë, qeveria duhet të bëjë një tjetër financim të drejtpërdrejtë nga taksapaguesit përmes buxhetit të shtetit, tashmë jo për rrogat e punonjësve, por për lokalin e drejtorit.

Pasi financimi që qeveria e rriti me 50 milionë lekë të reja, vitin e kaluar, për të mbushur gropat e krijuara nga drejtori, ky i fundit nuk ngurroi t’i fusë në xhepat e vet dhe bashkëpunëtorëve të tij duke shpikur mënyra shpërblimesh për punonjës të dalluar, e duke i mbledhur në fund në një llogari të vetme, atë të kapterit Peza.

Sipas raportit, televizioni publik numëron zakonisht rreth 1 mijë të punësuar, ndërsa shpenzimet për paga u rritën vitin e kaluar, duke arritur në 1.1 miliardë lekë. Shqiptarët e financojnë televizionin publik përmes një takse që paguhet nga çdo familje në vend me vlerën 100 lekë në muaj, e cila përbën 60% të të ardhurave të transmetuesit publik./ CNA





Lajmet e fundit nga