web counter
LEXO PA REKLAMA!

SHKARKO APP

App Store
Google Play

E fundit!

x

Skandali te “Magjistratura”/ KLP mbron Arben Rakipin, debate në mbledhje

11 Qershor 2024, 10:06, Aktualitet CNA
Skandali te “Magjistratura”/ KLP mbron Arben Rakipin, debate në
Shkolla e Magjistraturës

Këshilli i Lartë i Prokurorisë ka mbajtur këtë të martë mbledhjen e parë pas zgjedhjes së Mirela Bogdanit në krye të këtij institucioni.

Kjo mbledhje, ku është diskutuar për verifikimin e pasurisë së disa kandidatëve fitues nga provimi i fundit i Magjistraturës, është shoqëruar me debate.

Zëvendëskryetari i KLP-së, Tartar Bazaj, kërkoi të shtyhej verifikimi për shkak të kallëzimit penal ndaj Shkollës së Magjistraturës. 

Anëtarja Arta Mandro ishte e para që e kundërshtoi propozimin e tij, duke deklaruar se Shkolla e Magjistraturës po funksionon shumë mirë.

“Fakti që Shkolla gjendet në këtë situatë, nuk është për shkak të Shkollës, por është për shkak të Scantron-it dhe ne këtë e kemi shumë të qartë. As drejtori i Shkollës së Magjistraturës (Arben Rakipi), as unë dhe askush tjetër nuk kanë mbetur që të mbeten me Scantron-ët për të rregulluar ndonjë interes të vogël të vetin në qoftë se ky do ishte problemi. Garantoj me bindjen time të plotë që gjëra të tilla nuk ndodhin kurrë në shkollën e Magjistraturës dhe unë jam dëshmitare e gjithë seriozitetit të atij institucioni duke filluar edhe me njerëzit tanë të afërt dhe lus që kjo kakofoni të mos bëhet objekt abuzimi”, pretendoi Mandro.

Me shumicë votash u rrëzua kërkesa e Bazajt./ CNA





Lajmet e fundit nga