web counter
LEXO PA REKLAMA!

SHKARKO APP

App Store
Google Play

Manipulimi me pranimet te "Magjistratura"/ Deputetja e PD-së: Drejtori dhe Këshilli Drejtues të raportojnë te Ligjet

1 Maj 2024, 16:31, Aktualitet CNA

Manipulimi me pranimet te "Magjistratura"/ Deputetja e PD-së:

Deputetja e PD-së, Dhurata Çupi ka folur për manipulimin e pikëve në Shkollën e Magjistraturës.

Çupi bën me dije se anëtarët e opozitës në Komisionin e Ligjeve do të këmbëngulin në kërkesën për transparencë mbi hijet e manipulimit të provimit të pranimit në Shkollën e Magjistraturës.

Zyrtarisht do të ripërsëritet kërkesa për raportim në Komisionin e Ligjeve të Drejtorit dhe Këshillit Drejtues të Shkollës së Magjistraturës.

“Anëtarët e opozitës në Komisionin e Ligjeve do të këmbëngulin në kërkesën për transparencë mbi hijet e manipulimit të provimit të pranimit në Shkollën e Magjistraturës. Mazhoranca nuk duhet të pengojë as transparencën dhe as llogaridhënien e institucioneve publike, duke garantuar padyshim parimin e ndarjes dhe balancës mes pushteteve.

Zyrtarisht do të ripërsërisim kërkesën për raportim në Komisionin e Ligjeve të Drejtorit dhe Këshillit Drejtues të Shkollës së Magjistraturës.

Administrimi i rregullt dhe korrekt i provimit për pranimin në Shkollën e Magjistraturës të kandidatëve për gjyqtarë dhe prokurorë është garanci për pavarësinë dhe integritetin e sistemit të drejtësisë në të ardhmen. Kuvendi nuk mund të qëndrojë indiferent ndaj shqetësimit publik të këtyre ditëve, që ngre dyshime serioze mbi procesin dhe rrezikon besueshmërinë e sistemit të drejtësisë për të paktën 30 vitet e ardhshme”, tha Çupi./ CNA





Lajmet e fundit nga