web counter
LEXO PA REKLAMA!

SHKARKO APP

App Store
Google Play

E fundit!

x

Rama-Kurtit: Loja si "macja me miun" me Serbinë nuk do të çojë askund

10 Qershor 2024, 18:58, Aktualitet CNA
Rama-Kurtit: Loja si "macja me miun" me Serbinë nuk do të
Kryeministri Edi Rama

Kryeministri Edi Rama ka qenë pjesë e tryezës ndërkomëbëtare në Prishtinë për 25-vjetorin e çlirimit të Kosovës, ku sërish nuk është pritur nga homologu i tij Albin Kurti.

Pavarësisht këtij fakti, Rama iu drejtua me një këshillë duke i thënë se loja si macja me miun me Serbinë nuk do ta çojë askund.

Sipas mediave kosovare, Rama është shprehur se Prishtina rrezikon të mbetet pa miq nëse përdor politikën e jashtme për të marrë vota brenda vendit.

“Sot, ne jemi në një proces ku thellohet gjithnjë e më shumë dhe në një formë gjithmonë e më shqetësuese, qasja ndaj politikës së jashtme, si politikë e brendshme dhe shfrytëzimi i platformave të komunikimit jashtë si tribuna për të marrë vota këtu.

Kjo, patjetër që mund të ketë sukses elektoral, po kjo e lë Kosovën me gjithmonë e më pak besim nga ana e miqve dhe aleatëve të vet ndërkombëtar dhe në këndvështrimin tim, meqë jemi sot për Ibrahim Rugovën, nëse Kosova do të dilte nga kjo lojë “macja me miun” në tryezë me Serbinë dhe me një ekip uniteti do t’i drejtohej Bashkimit Evropian duke thënë “ne nuk duam të flasim më me Serbinë se nuk kemi më çfarë flasim, ne jemi këtu për të folur me Bashkimin Evropian, për të përmbushur të gjitha detyrimet që kemi ne si Republikë e Kosovës në kontekstin e standardeve ndërkombëtare dhe të standardeve të Bashkimit Evropian dhe për t’u afruar me ju”, theksoi ai. 

“Pastaj, se çfarë bën Serbia është puna e Serbisë, shkoni e merruni me Serbinë”, po ky konfrontimi “macja me miun” në tavolinë, këto mbledhjet për t’u mbyllur brenda me orë, vetëm për të dalë pas mbledhjes për të thënë se sa fort i qëndrova unë tjetrit, në mënyrë të dyanshme kuptohet, këto nuk të çojnë asgjëkund”, ka vijuar më tej Rama./ CNA





Lajmet e fundit nga