web counter
LEXO PA REKLAMA!

SHKARKO APP

App Store
Google Play

E fundit!

x

Policia, masa për protestën para Bashkisë së Tiranës/ Rrugët që do të bllokohen

10 Qershor 2024, 08:25, Aktualitet CNA
Policia, masa për protestën para Bashkisë së Tiranës/
Foto nga protestat e kaluara, marrë nga LSA

Policia e Shtetit ka njoftuar masat e marra për protestën para Bashkisë së Tiranës, e organizuar nga Aleanca për Mbrojtjen e Teatrit.

Policia e Shtetit bën të ditur se që prej orës 09:30 e në vijim, do të ketë bllokim të përkohshëm të qarkullimit të mjeteve, në bulevardin kryesor pranë Bashkisë së Tiranës. Blutë sugjerojnë qytetarët që të përdorin rrugë alternative, deri në përfundim të tubimit, si Unaza e Mesme dhe Unaza e Madhe.

Policia bën edhe një paralajmërim për protestuesit në lidhje me tensionet e mundshme, teksa kërkon distancim nga aktet e dhunës.

“Gjatë disa tubimeve të mëparshme, të zhvilluara nga Aleanca për Mbrojtjen e Teatrit, në sheshin para Bashkisë Tiranë, janë evidentuar raste të përsëritura të kundërshtimit të forcave të policisë, përdorimit dhe hedhjes së molotovëve e sendeve të tjera, në drejtim të Bashkisë Tiranë, duke rrezikuar seriozisht jetën dhe shëndetin e punonjësve të policisë dhe vetë pjesëmarrësve në tubime.

Drejtoria Vendore e Policisë Tiranë respekton plotësisht të drejtën e qytetarëve për të organizuar dhe marrë pjesë në tubime paqësore.

Policia u përsërit thirrjen organizatorëve, drejtuesve dhe pjesëmarrësve në tubime për të respektuar ligjin dhe për t'u distancuar nga çdo akt dhune”, thuhet ndër të tjera në njoftimin e policisë./ CNA





Lajmet e fundit nga