web counter
LEXO PA REKLAMA!

SHKARKO APP

App Store
Google Play

“Bashkia e Tiranës është në vdekje klinike”/ Alimehmeti: Askush nuk guxon më të firmosë

8 Qershor 2024, 17:36, Aktualitet CNA
“Bashkia e Tiranës është në vdekje klinike”/
Bashkia Tirane

Anëtari i Këshillit Bashkiak Ilir Alimehmeti ka deklaruar se, Bashkia e Tiranës është në vdekje klinike.

Gjatë një interviste televizive në Syri Tv, Alimehmeti është shprehur se askush tashmë nuk guxon të firmosë dhe se në ambientet e institucionit mbizotëron frika.

Alimehmeti thekson se ka një frikë shumë të madhe nga institucionet ekzekutive për të hedhur firmat.

"Minimalisht ajo që është në sytë e të gjithëve kanë kaluar më pak se një vit nga zgjedhjet dhe mund të shihni fare mirë të keni një opozitë aktive pavarësisht sulmeve të paprecedenta.

Kryefjala tani është vjedhja në bashkinë e Tiranës që janë dokumentuar me prova dhe fakte. Të gjithë shqiptarët po e shohin se si Veliaj po vjedh me drejtorët e vet.

Sot askush nuk guxon më të firmosë dhe arroganca me të cilën ishin mësuar ato tani kanë ndryshuar pasi frika ekziston në ambientet e bashkisë dhe ajo tani është në një vdekje klinike.

Ka një frikë shumë të madhe nga institucionet ekzekutive për të hedhur firmat. Të gjithë projektorët tani janë përqëndruar te këta.

Veliaj me grupin e tij nuk janë për të qeverisur Tiranën por për të vjedhur këtë qytet, e vetmja gjë që ecën është përmes ligjeve të qeverisë si ajo e përdorimit të pronave shtetërore për të ndërtuar kulla", tha Alimehmeti./ CNA





Lajmet e fundit nga