web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e recepsionistit/ Nëna e njërit prej të arrestuarve: Nuk dija gjë, e mësova nga lajmet

7 Qershor 2024, 16:02, Aktualitet CNA
Vrasja e recepsionistit/ Nëna e njërit prej të arrestuarve: Nuk
Foto ilustruese

Vrasja e recepsionistit E. N. në Himarë tronditi vendin dhe vuri në lëvizje autoritetet, të cilat bënë të mundur kapjen e autorit dhe të dy bashkëpunëtorëve të tij.

Për këtë ngjarje ka folur nëna e njërit prej bashkëpunëtorëve të autorit G. Sh., me të cilët dyshohet se ky i fundit fshehu trupin e pajetë.

Nëna e shtetasit D. Q. ka deklaruar se lajmin e ka mësuar nga televizionet, por kur ka telefonuar djalin nuk ka mundur ta kontaktojë.

“Dëgjova nga televizionet në mëngjes që ishte bërë një vrasja, nuk e dija që kishte ndodhur në lokalin ku punonte djali, i rashë telefonit nuk më përgjigjej, e shikoja në linjë, i bija por ma mbylli. Mora vajzën në Gjermani dhe e pyeta si e ka emrin lokali ku punon djali? Më duket se Greccia më tha.

Marrim pyesim një shok në Dhërmi, edhe ai më tha i bie dhe nuk më përgjigjet por mos ki merak se do shkoj unë. Gjetëm numrin më pas, i thamë interesohemi për një djalë që është ai staf. Na thanë i kemi arrestuar po i marrin në pyetje por nuk mund t’ju japim sqarim.

Në orën 10 pashë në lajme figurën e djalit. Djali ka ikur që në 6 prill ka 5 vite që punon aty, tek i njëjti pronar dhe nuk ka patur probleme më herët. Siç thonë edhe në lajme ai i ka kërcënuar dhe i kanë dhënë qese guzhine dhe e kanë ndihmuar në makinë se i ka kërcënuar me armë. Është burri me çupën andej se morën një avokat dhe nesër kanë gjyqin.

Danieli nuk e njihte se aq ditë lishte në punë, por ky pronari njihej me të që në Angli, kanë bërë sherre. Nuk kemi mundësi për ta ndjekur, djali mori rrugët për të punuar. Vetëm djali na punon edhe këtu në Korçë ka punuar banakier në lokale ndërsa atje ka punuar banakier e fuste pronari edhe te piceria. Djali nuk ka pasur më herët shqetësime nga pronari, këtë vit nuk donim ta dërgonim kaq herët se fejonim çupën por pronari i tha hajde se zihet vendi. Deri në shtator punonte aty”, theksoi nëna e njërit prej bashkëpunëtorëve të dyshuar./ CNA





Lajmet e fundit nga