Flet babai i recepsionistit që u vra në Dhërmi: Djali do t'i ketë kërkuar lekët

7 Qershor 2024, 14:14, Aktualitet CNA

Flet babai i recepsionistit që u vra në Dhërmi: Djali do t'i

Hoteli ku ndodhi krimi i rëndë

Babai i recepsionistit 31-vjeçar me iniciale E.N., i cili u vra me armë zjarri në një hotel në Dhërmi, ka dhënë detaje mbi të shkuarën e djalit të tij.

Në një intervistë për "Euronews Albania", babai i të riut, u shpreh se djali nuk kishte njohje të mëparshme me autorin e krimit, 43-vjeçarin me iniciale G.Sh.

Babai nënvizoi gjatë intervistës se i biri nuk ka pasur të shkuar kriminale, por shtoi se ndaj tij është vendosur vetëm një masë sigurie “detyrim paraqitje” pasi ishte kapur me 2 gramë hashash.

Ai shprehet se ngjarja e rëndë mund të ketë ndodhur për shkak të një konflikti të çastit, pasi sipas tij, djali mund t’i ketë kërkuar lekët pronarit për ditët që ka punuar në biznesin e këtij të fundit.

Pjesë nga intervista:

Djali sa ditë kishte që punonte te ky hotel?

-Ka një muaj që ka shkuar në Dhërmi, do punonte në një lokal tjetër. Ai nuk ishte bërë gati dhe kishte shkuar te ky hotel për të kërkuar punë. Ka një javë.

Kush e sugjeroi këtë hotel?

-Asnjëri. Vetë kishte kërkuar punë. Si barist. Se përballë kishte barin. E vjehrra e autorit është pronare e hotelit dhe e kishte kërkuar në recepsion. Ajo i ishte lutur djalit se dinte 3 gjuhë të huaja, i kishte kërkuar çuni 1.5 milionë lekë të vjetra dhe kishin rënë dakord. 5 ditë kishte që kishte nisur punë.

Kush ju lajmëroi për vrasjen e djalit?

-Nga televizori, aty e morëm vesh.

Po me dy djemtë e tjerë të Korçës, djali kishte njohje?

-Jo nuk i njihte fare. Unë e di që veç dy shokë ka, ishin djem të tjerë.

Djali më parë ka qenë i dënuar për diçka? Ka pasur probleme me ligjin?

-Djali ka pasur një detyrim paraqitje, e kapën me dy gramë hashash më parë.

Pse mendon që mund të ketë ardhur kjo?

-Mendoj konflikt i çastit, mund të mos i këtë pëlqyer puna, do t'i ketë kërkuar djali lekët dhe ai nuk do ia këtë dhënë. 99% këtë mendoj.

Djali yt nuk ishte konfliktual? Nuk kishte probleme më parë?

-Ka qenë i qetë dhe i logjikshëm përherë djali. Nuk ka pasur asnjëherë probleme me njerëz.

Me parë çfarë punonte djali?

-Kamarier, bankier ka qenë.