E fundit!

12:36 Politikë

“Ehu, muhabet l*shi”/ Manja dhe Gjiknuri, përplasje në mbledhjen e Komisionit të Ligjeve

Mbledhja e zhvilluar këtë të martë në Komisionin për Çësht...

Ekzekutimi i recepsionistit/ Në pranga dy punonjësit, ndihmuan në fshehjen e trupit

7 Qershor 2024, 08:54, Kronika CNA

Ekzekutimi i recepsionistit/ Në pranga dy punonjësit, ndihmuan në

Foto ilustruese

Mëngjesin e së premtes policia ka arrestuar dy bashkëpunëtorët që kanë ndihmuar 45-vjeçarin me iniciale G.Sh. në vrasjen e recepsionistit në Dhërmi, E. N.

Në prangat e policisë kanë rënë dy punonjës të hotelit ku ndodhi ngjarja e rëndë, D. Q., 33 vjeç dhe D. L., 30 vjeç.

Këta të fundit akuzohen se kanë ndihmuar 45-vjeçarin në fshehjen e trupit.

Pas ngjarjes së rëndë 45-vjeçari u largua në drejtim të Greqisë, ndërsa mjeti i tij "Audi A8" u gjet i parkuar në një parkim privat në Sarandë.

Nga Qafë-Bota ai ka ka kaluar në Greqi, ndërsa kishte prerë biletë për të ikur drejt Britanisë së Madhe, por është kapur teksa shkonte në aeroportin e Korfuzit.

Njoftimi i Policisë:

Identifikohen, kapen dhe vihen në pranga 2 shtetas, të cilët dyshohet se ndihmuan autorin e ngjarjes kriminale të ndodhur ditën e djeshme, në Dhërmi, për të fshehur trupin e pajetë të shtetasit E. N.

Nga veprimet hetimore të kryera për zbardhjen e plotë të ngjarjes, dyshohet se autori, shtetasi G. Sh., pasi e ka vrarë me armë zjarri shtetasin E. N., është ndihmuar për të fshehur trupin, nga 2 punonjës të hotelit të tij, shtetasit D. Q., 33 vjeç dhe D. L., 30 vjeç, të dy banues në Korçë.

Nga këqyrja e banesës ku qëndronte shtetasi G. Sh., në një kasafortë në dhomën e gjumit, shërbimet e Policisë gjetën 1 fishek arme zjarri, me kapsollë të goditur, i cili u dërgua në Institutin e Policisë Shkencore, për ekzaminim.

Në funksion të hetimeve të thelluara u fiksuan dhe u morën për ekzaminime të mëtejshme, sende dhe mjete të tjera të cilat dyshohet se janë përdorur në këtë ngjarje.

Hetimet vijojnë në drejtimin e Prokurorisë.

Materialet procedurale u referuan në Prokurorinë pranë Gjykatës së Shkallës së Parë të Juridiksionit të Përgjithshëm Vlorë, për shtetasin G. Sh., për veprat penale “Vrasja me paramendim” dhe “Mbajtja pa leje dhe prodhimi i armëve, armëve shpërthyese dhe i municionit”, si dhe për shtetasit D. Q. dhe D. L., për veprën penale “Fshehja ose asgjësimi i kufomës”, kryer në bashkëpunim./CNA