web counter
LEXO PA REKLAMA!

SHKARKO APP

App Store
Google Play

E fundit!

x

Goditet grupi kriminal shqiptar i drogës/ Sekuestrohen 100 kg kokainë, 17 persona të arrestuar

5 Qershor 2024, 09:25, Kronika CNA
Goditet grupi kriminal shqiptar i drogës/ Sekuestrohen 100 kg kokainë,
Foto ilustruese

Kërkimet e kryera në Belgjikë dhe në disa vende evropiane, si pjesë e dy hetimeve të kryera në Antëerp, çuan në gjithsej 17 arrestime mëngjesin e së martës. Hetimet kanë të bëjnë me organizata kriminale shqiptare të drogës.

Në Belgjikë u bënë 12 kërkime përkatësisht në Antëerp, Hoboken, Merksem, Schoten, Saint-Nicolas dhe Ëilrijk.

Kërkimet u kryen në bashkëpunim midis policisë gjyqësore federale dhe policisë lokale në Antëerp. Kërkimet u bënë edhe në Gjermani, Francë, Itali, Holandë dhe Austri. 

11 persona të dyshuar janë arrestuar në Belgjikë dhe 6 persona jashtë vendit, të cilët janë në pritje të ekstradimit të mundshëm drejt Belgjikës.

Nga aksioni u sekuestruan 100 kg drogë të llojit kokainë dhe amfetaminë, armë zjarri, kimikate, jelek antiplumb dhe 265,000 euro para cash. 

Pjesa e hetimit e drejtuar nga policia vendase ka në shënjestër një grup kriminelësh të dyshuar të specializuar në shpërndarjen e sasive të mëdha të drogës që më pas transportoheshin në vende të ndryshme.

Hetimet kanë të bëjnë me një bandë që importon kokainë nga Amerika e Jugut që bën pastrim parash nga trafiku i kokainës./ CNA





Lajmet e fundit nga