web counter
LEXO PA REKLAMA!

SHKARKO APP

App Store
Google Play

Mashtrimi në emër të ambasadës së SHBA/ Policia merr nën hetim zyrtaren arsimore

6 Qershor 2024, 17:44, Aktualitet CNA

Mashtrimi në emër të ambasadës së SHBA/ Policia merr

Policia ka nxjerrë detaje për skemën e mashtrimit të njoftuar më parë nga ambasada e SHBA-së.

Blutë njoftojnë se kanë marrë nën hetim një zyrtare arsimore dhe bashkëpunëtoren e saj.

Bëhet fjalë për shtetasen V. L., zyrtare arsimore në nivel vendor, pjesë e Drejtorisë së Përgjithshme të Arsimit Parauniversitar në Ministrinë e Arsimit.

Sipas bluve, ata mashtronin qytetarët për ofrimin e mundësive apo bursave për studentët, për studime në SHBA.

Zyrtarja V. L. dhe shtetasja K. J., në bashkëpunim me shtetas të tjerë falsifikonin dokumente, për ofrimin e mundësive për të studiuar në universitetet e SHBA-së, nëpërmjet projektit të njohur si “Let’s Talk Together About US24.”

“Departamenti i Policisë Kriminale, në drejtimin e Prokurorisë së Tiranës, hetime të përbashkëta me zyrtarë të zbatimit të ligjit të ambasadës së SHBA-së në Tiranë, për zbulimin dhe goditjen e një skeme mashtrimi për ofrimin e mundësive/bursave për studentët, për studime në SHBA.

Në vijim të veprimeve hetimore, Policia ekzekutoi vendimin e Gjykatës, për ushtrimin e kontrollit në banesën e shtetases V. L., zyrtare arsimore në nivel vendor, pjesë e Drejtorisë së Përgjithshme të Arsimit Parauniversitar në Ministrinë e Arsimit.

Shtetasja V. L. është vënë në hetim, bashkë me shtetasen K. J., pasi dyshohet se në bashkëpunim me shtetas të tjerë, kanë krijuar një skemë mashtrimi, duke falsifikuar dokumente, për ofrimin e mundësive/bursave për studentët, për të studiuar në universitetet e SHBA-së, nëpërmjet projektit të njohur si “Let’s Talk Together About US24.”

Vijojnë hetimet për të identifikuar dhe nxjerrë përpara përgjegjësisë penale, të gjithë shtetasit e përfshirë në këtë skemë mashtrimi”, thuhet në njoftimin e policisë./ CNA





Lajmet e fundit nga