web counter
LEXO PA REKLAMA!

SHKARKO APP

App Store
Google Play

E fundit!

x

“Të korruptuarit janë brenda parlamentit”/ Këlliçi: Rama, kreu i grupit të strukturuar kriminal

6 Qershor 2024, 11:31, Aktualitet CNA
“Të korruptuarit janë brenda parlamentit”/
Belind Këlliçi

Drejtuesi politik i PD-së për Tiranën, Belind Këlliçi, u ka bërë thirrje efektivëve të policisë që po përplasen me protestuesit që të bashkohen me ta.

Nga protesta, Këlliçi është shprehur se prej 11 vitesh qeveria vetëm po dëbon qytetarët nga vendi.

Ai theksoi se nuk do të tërhiqen në misionin e tyre dhe nëse Rama mendon se kjo do të ndodhë e ka shumë gabim.

Këlliçi e ka quajtur kryeministrin kreun e grupit të strukturuar kriminal.

“Bashkohemi të gjithë. Ai është parlamenti i shqiptarëve dhe jo i narkomanëve, ka larguar 1 milion shqiptarë e ka kthyer Policinë e Shtetit kundër qytëtarëve të thjeshtë.

Edi Rama ke 11 vite që përzë qytetarët, ky është regjim i drogës, korrupsionit. Të nderuar policë hapni rrugën për qytetarët. Boll u përplasët me qytetarët e ndershëm.

Nuk keni përballë jush asnjë deputet të korruptuar, i keni në qeveri, në administratë, i keni kudo. Bashkohuni me qytetarët që protestojnë.

Nëse Edi Rama mendon se qytetarët do të tërhiqen e ka shumë gabim.

Edi Rama është kreu i grupit të strukturuar kriminal", tha Këlliçi./ CNA





Lajmet e fundit nga