web counter
LEXO PA REKLAMA!

SHKARKO APP

App Store
Google Play

E fundit!

x

“Partia që djeg plehrat në inceneratorë apo inceneratori që djeg paratë”/ Gjekmarkaj: Kush jeni ju?

6 Qershor 2024, 12:19, Aktualitet CNA
“Partia që djeg plehrat në inceneratorë apo inceneratori
Agron Gjekmarkaj

Agron Gjekmarkaj i është drejtuar me një sërë pyetjesh qeverisë Rama.

Në fjalën e tij në Kuvend, Gjekmarkaj ka kërkuar nga deputetët e mazhorancës të tregojnë se cilës parti i përkasin, asaj që akuzohet për krimin apo asaj që akuzohet për inceneratorët.

"Unë kam besuar dhe ende besoj që PS-ja është një aset kombëtar, edhe pse jeni kundërshtarët e mi. Unë jam vetëm një individ përballë zërave të shumtë publikë që kërkojnë që e gjithë trupa politike në qendër dhe baze të hetohet për lidhje me krimin e organizuar. Ata pyesin se kush jeni ju, partia socialiste që duhet të ishte sociale me shqiptarët apo një organizatë partnere me krimin e cituar nga ish-zv.kryeminsitri.

Kush jeni, partia që matet elektoralisht me kundërshtarët apo ajo që pret agimin e fitoreve pas natës së errët të kërcënimit të tyre me thika të gjata, kush jeni, lokomotiva apo vagonët, kush jeni, partia e gjuhës politike apo ajo e miqve të enkrochat-it, kush jeni, padronët apo hyzmeqarët lepe-peqe, administratorët e asaj që konsiderohet Respublika apo grabitësit e saj, kush jeni, ata që marrin urdhra natën për t'u dridhur ditën apo ata që dridhen ditën për të fjetur natën, kush jeni, partia që djeg plehrat në inceneratorë apo inceneratori që djeg paratë dhe lë plehrat.

Duket sikur jetojmë në një moment ku gjithsecili bën një sakrificë ku dikush ikën, dikush përshtatet, dikush hesht, dikush thyhet, ndonjë tjetër bindet, disa dorëzohen, të tjerë pranojnë kërcënimin dhe paguajnë, por dikush që qëndron si shembull emancipues mbetet gjithmonë. Ata sot janë jashtë përballë këtij parlamenti, një ditë tjetër do të jenë më shumë, sot është dita e ftesës ajo tjetra do të jetë e pendesës, e vetmja që sot ka hequr dorë nga sakrifica është vetëm qeveria.

Asaj i kërkohet vetëm një, më modestja dhe e lehta e sakrificave të ikë dhe t'i hapë rrugën qeverisë teknike", tha Gjekmarkaj./ CNA





Lajmet e fundit nga