web counter
LEXO PA REKLAMA!

SHKARKO APP

App Store
Google Play

E fundit!

x

Skemë mashtrimi me vizat amerikane/ Ambasada e SHBA-së, njoftim të rëndësishëm

6 Qershor 2024, 15:39, Aktualitet CNA

Ambasada e SHBA-së në Tiranë ka denoncuar një skemë mashtrimi me vizat amerikane.

Ambasada bën të ditur se ka zbuluar ekzistencën e një grupi “Let’s Talk Together About US24”.

Sipas saj, personat që fshihen pas këtij grupi garantojnë udhëtime falas në Shtetet e Bashkuara, si dhe viza amerikane pa pagesë ose me kosto të ulët.

Por ambasada e SHBA-së thekson se kjo gjë nuk është e vërtetë, ndaj u bën thirrje shqiptarëve të jenë të kujdesshëm.

“Ambasada e SHBA është në dijeni të një të ashtuquajturi projekt të njohur si “Let’s Talk Together About US24.” Ky grup nuk ka asnjë lidhje me Ambasadën e SHBA, Departamentin e Shtetit të SHBA, Departamentin e Arsimit të SHBA, programet tona arsimore ose personelin e ambasadës. Shërbimi i Sigurisë Diplomatike i Departamentit të Shtetit të SHBA do të vazhdojë të punojë me Policinë e Shtetit teksa ajo heton përmasat e kësaj skeme mashtruese.

U bëjmë thirrje të gjithë shqiptarëve të jenë të kujdesshëm ndaj mashtrimeve që garantojnë udhëtime falas në Shtetet e Bashkuara, si dhe viza amerikane pa pagesë ose me kosto të ulët. Gjithashtu, i bëjmë thirrje kujtdo që të kontaktojë Ambasadën e SHBA nëse dyshon se ndonjë person ose organizatë përpiqet të paraqesë veten në mënyrë të gënjeshtërt si të lidhur me ambasadën”, thuhet në deklaratë./ CNA





Lajmet e fundit nga