web counter
LEXO PA REKLAMA!

SHKARKO APP

App Store
Google Play

E fundit!

x

Alfred Ballës i'u hoq mandati/ KLP thërret mbledhje për kryetarin e ri

6 Qershor 2024, 21:46, Aktualitet CNA
Alfred Ballës i'u hoq mandati/ KLP thërret mbledhje për
Alfred Balla

Këshilli i Lartë i Prokurorisë do të mblidhet mëngjesin e së premtes për të zgjedhur kryetarin e ri. Më 27 maj, KLP miratoi me 9 vota pro mbarimit të mandatit të Alfred Ballës, pas vendimit të dhënë nga KPA, për përjashtimin e tij nga sistemi për 15 vite.

Mandati i ish-kreut të KLP kishte përfunduar prej disa muajsh, por vijonte të qëndronte në detyrë deri në momentin që do të zgjidheshin anëtarët e rinj, nga radhët e shoqërisë civile.

Kolegji i Pavarur i Apelimit deklaroi se Balla ishte dorëhequr me dëshirën e tij nga kontrolli i 3-fishtë i “vetting”-ut ndryshe nga pretendimi i tij që këmbëngul se nuk kishte statusin e magjistratit përderisa e kishin shkarkuar nga detyra si ndihmës ligjor në Gjykatën e Lartë dhe më pas në KLP mori një mandat si anëtar i shoqërisë civile.

Çështja e kryetarit të KLP-së u mbyll në shkallën e parë të “vetting”-ut pa një vendim përfundimtar dhe për këtë arsye Komisioneri Publik apeloi në KPA.

Pas shkarkimit nga Kolegji, përmes një letre, Balla iu drejtua KLP-së duke renditur disa arsye se përse nuk duhej përjashtuar, e ndër të tjera deklaronte se çështjen do ta çonte në Gjykatën e Strasburgut./ CNA





Lajmet e fundit nga