E fundit!

09:44 Politikë

Vrasja e efektivit në Maliq/ Rama: Nderime përjetë dëshmorit, ndëshkim maksimal për autorin

Kryeministri Edi Rama ka reaguar pak minuta më parë lidhur...

Kompania më e madhe mediatike në Shqipëri zhytet në borxhe

8 Qershor 2024, 12:47, Aktualitet CNA

Kompania më e madhe mediatike në Shqipëri zhytet në borxhe

Foto ilustruese

"DigitAlb", kompania më e madhe mediatike në Shqipëri është e zhytur në borxhe. CNA raportoi një ditë më parë faktin se kjo kompani është rreth 28 milionë euro borxh, duke u bazuar mbi burime nga vetë brenda kompanisë. (lexo këtu)

Një raportin i qartë, i saktë, me burime dhe informues për opinionin publik.

Këtë shkrim po ripublikojmë sot me qëllimin për të informuar sërish publikun për gjendjen financiare në të cilën ndodhet kjo kompani, pasi lajmi është hequr nga rrjetet sociale, pa fakte, pa argumente, vetëm me justifikimin e "copyright" të fotos së godinës së kompanisë. Por sigurisht që qëllimi ka qenë përmbajtja e lajmit.

Po e risjellim shkrimin për shkak të përndjekjes së Aldor Ninit, duke u fshehur në emër të "copyright". Në fakt Nini është një ushtar dhe kamzhik politik në rrjetet sociale i Erion Veliajt, kryebashkiakut te organizatës me drejtorët hajdutë arrestuar nga SPAK.

Një sulm ky ndaj informimit të publikut, sulm ndaj medias dhe të drejtës për të thënë të vërteta pa censurë.

Personazhi butaforik, Aldor Nini, njihet si një nga njerëzit me problematika të thella në lidhje me të drejtën e medias në Shqipëri, i shumëdenoncuar si një shërbëtor i klientelës politike. Është njeriu që në emër të të drejtave abuzon duke e përdorur ligjin dhe hapësirën e rrjeteve sociale për çështje politike që ai nuk i ka të drejtat kurrë dhe si ka pasur kurrë, megjithëse pretendon se është dikush.

Por CNA nuk do të ndalet edhe pas sulmeve të Ninit, i cili ka përndjekur edhe dhunuar ish-bashkëjetuesen, apo ka rrëmbyer vajzën e tij. (lexo këtu)

Të gjitha këto materiale për këto sulme, i janë dhënë një studio ligjore ndërkombëtare që jo vetëm do ngrejë padi ligjore përkatëse, por do të ndjekë deri në detaje çdo abuzim dhe censure të dirigjuar nga Aldor Nini me mediat e korruptuara dhe pazaret politike me Erion Veliajn.

Shkrimi i plotë i publikuar nga CNA më 7 qershor, 2024

“DigitAlb”, një nga kompanitë mediatike më të mëdha në vend, e cila u krijua me vizionin e Dritan Hoxhës, duket se po shkon më keq se kurrë.

Rreth 28 milionë euro borxhe, thanë burime nga “DigitAlb” për CNA, i janë krijuar kompanisë ku shumicën e aksioneve e ka familja Hoxha.

“DigitiAlb”, dikur një nga kompanitë më të mëdha dhe me fitime kolosale, është kthyer në një nga kompanitë më të këqija me borxhe, me detyrime të palikuiduara dhe mungesë pagesash. Vit pas viti kompanisë i janë përkeqësuar shitjet dhe i janë rritur detyrimet ndaj kompanive ku merr shërbime.

CNA ka raportuar prej vitesh skandalet brenda kësaj kompanie, gjyqet, përplasjet, por edhe shërbimet që jep, të cilat kanë ndikuar negativisht në ecurinë e saj.

Duke parë gjendjen ekonomike të “DigitAlb” dhe një krizë të thellë ekonomiko-financiare, vizioni i Lori dhe Vjollca Hoxhës, e kanë katandisur këtë kompani mediatike të familjes në një kompani të zhytur në borxhe. Shkaku kryesor i gjendjes së “DigitAlb” është keqmenaxhimi dhe përplasjet brenda kompanisë.

Prej gati 4 vitesh, borxhet shtohen, bilancet përkeqësohen dhe “DigitAlb” vazhdon të vjedhë të drejtat e transmetimit apo të mos ketë më risi dhe të humbasë shumë nga të drejtat ekskluzive që dikur i jepnin kompanisë emrin e liderit në treg. (lexo këtu)

Në vitin 2021, “DigitAlb” ka pasur një borxh që tejkalonte vlerën 10 milionë euro. Ajo ka filluar të ketë probleme të thella financiare, pas disa përplasjeve midis aksionerëve.

“DigitAlb” u raportua se humbi të drejtat televizive për 9 kanale televizive. Sinjali i këtyre kanaleve u ndërpre për shkak të mungesës së një kontrate me të drejtat e pagesave të kryera nga platforma.

Borxhet e “DigitAlb” vazhdojnë të shtohen, ndërkohë që Kampionati Europian, një tjetër event sportiv, do të transmetohet te konkurrentët e “DigitAlb”, platforma “Tring”, e cila pas Serisë A, Champions League dhe shumë kompeticioneve sportive do të sjellë edhe “Euro 2024”.

Thellimi i borxheve të “DigitAlb” ka bërë që kompania, e cila dikur mund të shitej dhjetëra miliona euro, tashmë ka një vlerë së cilës i përshtatet shprehja “katandisi kokoshi një thele”./CNA