web counter
LEXO PA REKLAMA!

SHKARKO APP

App Store
Google Play

Teliti prezanton masat/ "Beteja ndaj informalitetit nuk fitohet me fushata policore"

8 Qershor 2024, 22:28, Aktualitet CNA
Teliti prezanton masat/ "Beteja ndaj informalitetit nuk fitohet me fushata
Dorian Teliti, deklarate per mediat

Koordinatori për Programin Ekonomik në PD, Dorjan Teliti ka prezantuar masat kryesore që do të ndërmerren nëse PD fiton në zgjedhjet e vitit 2025 për betejën kundër informalitetit.

Teliti thekson se beteja nuk fitohet me fushata policore por me masa konkrete dhe të zbatueshme.

“PD aleate me sipërmarrësin e ndershëm. Beteja ndaj informalitetit nuk fitohet me "fushata policore" por me politika dhe masa konkrete e të zbatueshme:

Ulje të ndjeshme të barrës fiskale, gërshetuar me implementimin e taksës së sheshtë 10%. Biznesi i vogël do jetë aleati kryesor i shtetit në këtë betejë.

Heqjen e cdo lehtësie fiskale të dhënë me ligje preferenciale apo të porositura, duke garantuar trajtim të njëjtë dhe konkurrencë të ndershme midis sipërmarrësve.

Rishikim total të sistemit aktual të gjobave dhe ndëshkimeve. Kontrollet vetëm në bazë të analizave të riskut, stop vendimeve arbitrare apo të qëllimshme.

Thjeshtim të legjislacionit fiskal dhe angazhim politik që cdo ndryshim apo rishikim i legjislacionit fiskal aktual do kryhet brenda 100 ditëve të para të mandatit dhe nuk ndryshon për periudhën 4-vjecare, duke siguruar qëndrueshmëri dhe siguri juridike për cdo sipërmarrës, vendas apo i huaj qoftë ai.

Modernizim të administratës fiskale, ku meritokracia dhe zhvillimi profesional do jenë kryefjala.

Informaliteti i sotëm mbi 40%, kjo gangrenë që shkatërron konkurrencën e lirë e të ndershme, gangrenë që falimenton cdo vit me mijëra biznese dhe që godet në palcë ekonominë shqiptare, me politikat dhe masat e mësipërme në rastin më të pakët do përgjysmohet brenda mandatit të parë qeverisës.

Me ndryshimin vjen edhe frymëmarrje reale për ekonominë dhe aktorët e tregut”, deklaron Teliti./ CNA





Lajmet e fundit nga