web counter
LEXO PA REKLAMA!

SHKARKO APP

App Store
Google Play

“Ka bërë punë të mirë”/ Mesila Doda: SPAK, shpresa e vetme për të ndryshuar diçka

8 Qershor 2024, 19:10, Aktualitet CNA
“Ka bërë punë të mirë”/ Mesila Doda: SPAK,
Mesila Doda

Kryetarja e grupit parlamentar të PDIU, Mesila Doda ka komentuar zhvillimet e fundit politike si dhe ngritjen e Komisionit të Posaçëm që do të thërrasë në apel institucionet e drejtësisë.

Gjatë një interviste televizive me Nisida Tufën, Mesila Doda është shprehur se qeveria do të bëjë punën e saj si ekzekutiv, por shpreson që të mos bashkohen për të hequr SPAK-un.

Doda theksoi se SPAK-u ka mbështetje shumë të madhe jo vetëm nga amerikanët por edhe shqiptarët.

Institucioni i drejtësisë shihet si shpresë e vetme e tyre për të ndryshuar diçka.

Deputetja nënvizoi se SPAK ka bërë një punë të mirë.

“Qeveria do bëjë punën e vetë si ekzekutiv, ndërsa parlamenti do bëjë punën e vetë. Kam thënë se do Zoti nuk mblidhen të gjithë bashkë dhe ta heqin SPAK-un. Sot SPAK ka mbështetje shumë të madhe, jo vetëm amerikanët, por ka mbështetje të madhe nga shqiptarët. Këtë e shohin si shpresën e vetme për të ndryshuar diçka, unë vetë e shoh të tillë. Ka bërë një punë të mirë, ka edhe gabime, por diçka po lëviz”, tha ajo./ CNA





Lajmet e fundit nga