web counter
LEXO PA REKLAMA!

SHKARKO APP

App Store
Google Play

E fundit!

x

Prodhimi i armëve në Shqipëri/ Lehtësira për kompanitë që investojnë mbi 25 milionë euro

8 Qershor 2024, 21:21, Aktualitet CNA
Prodhimi i armëve në Shqipëri/ Lehtësira për
Foto ilustruese

Shqipëria po përgatitet të zhvillojë industrinë e prodhimit të armëve, duke përcaktuar dhe rregullat për kompanitë.  

Qeveria parashikon lehtësimin e barrës tatimore me kryesisht 10 vite pa paguar taksa, në mënyrë që të nxisë kompanitë të garojnë.

“Këto lehtësira përfshijnë procedura të përshpejtuara për licencimin dhe regjistrimin e veprimtarisë, sipas legjislacionit në fuqi. Norma e tatimfitimit është 0 për 10 vitet e para të aktivitetit, ulje e tatimit mbi vlerën e shtuar në masën 10%, për furnizimet dhe shërbimet e nevojshme për prodhimin e armatimit ushtarak, si dhe çdo përjashtim tjetër tatimor i aplikueshëm, bazuar në legjislacionin në fuqi për tatimin mbi vlerën e shtuar, përjashtim nga taksa e ndikimit në infrastrukturë, përjashtim nga taksa vendore dhe qendrore për një periudhë 10-vjeçare, përjashtim nga të gjitha taksat doganore për mallrat, të cilat shërbejnë drejtpërdrejt për prodhimin e armatimit ushtarak”.

Kompanitë private do të kenë mbështetje në faturat utilitare, si energji, gaz apo ujë dhe do të kenë qasje në fonde mbështetëse për kërkim dhe zhvillim në fushën e teknologjive të mbrojtjes.

Por për të përfituar nga këto lehtësira duhet që çdo subjekt të investoj minimumi 25 milionë euro.

“Subjektet që dëshirojnë të investojnë në industrinë e prodhimit të armatimit ushtarak në Republikën e Shqipërisë dhe që planifikojnë një investim fillestar prej së paku 25 milionë Euro, kualifikohen për të përfituar lehtësira dhe incentiva.”/ CNA

 





Lajmet e fundit nga