web counter
LEXO PA REKLAMA!

SHKARKO APP

App Store
Google Play

“Amaneti yt u vu në vend”/ Tritan Kalo i jep lamtumirën e fundit bashkëshortes, mesazhi prekës

8 Qershor 2024, 20:53, Aktualitet CNA
“Amaneti yt u vu në vend”/ Tritan Kalo i jep lamtumirën e
Tritan Kalo dhe bashkeshortja, foto e shkeputur nga Facebook

Mjeku Tritan Kalo i ka dhënë lamtumirën e fundit bashkëshortes së tij e cila ndërroi jetë pak ditë më parë pasi humbi betejën me kancerin.

Ditën e sotme ajo është përcjellur për në banesën e fundit, ndërsa mjeku Tritan Kalo ka shkruar disa rreshta prekës për bashkëshorten e tij.

Mjeku shkruan se amaneti i saj është vënë në vend.

“E kish lënë amanet të përcillej me rrobat me të cilat festuam ditëlindjen e 25-të të yllit tonë të vogël Genta Juna Kalo si dhe të prehej shumë pranë varrit të Ardit. Ishin shumë të lidhur me njëri tjetrin. Amaneti yt u vu në vend”-shkruan mes rreshtash mjeku.

“Mbi arkëmort do vendosen edhe 72 trëndafila të kuq, rozë dhe të bardhë, sikundër kurdoherë ti i pëlqeje, dhe numri përkon me atë çka ti shpreheshe dhe dëshiroje kur u sëmure: “Të paktën të mbush 72 vite, para se të ndahem nga kjo jetë”-vijon postimi i  mjekut Tritan Kalo.

Mjeku i premton bashkëshortes se do të vazhdojë të kujdeset për fëmijët ashtu siç dëshironte ajo dhe siç ka bërë deri më tani.

“Do të përjetësohesh në mendjet dhe në zemrat tona e mira, e urta dhe buzëgazta Rozeta Kalo. Prehu në Paqë dhe mos ki asnjë dert për Besjanën, Enkelejdën dhe Gentan, sepse unë do të vijoj të jem për to babai kurdoherë i dedikuar në përkujdesin ndaj tyre….

Në shtëpinë tonë kurrë nuk do të mungojnë prania e roses/trëndafilave, luleve të tua të preferuara….. Lamtumirë gjysma ime më e mirë.”-shkruan Tritan Kalo./ CNA





Lajmet e fundit nga