web counter
LEXO PA REKLAMA!

SHKARKO APP

App Store
Google Play

Berisha: Rama, Agaçi zyrtarë e prokurorë në dosjen “Metamorfoza”

8 Qershor 2024, 22:17, Aktualitet CNA
Berisha: Rama, Agaçi zyrtarë e prokurorë në dosjen
Ish-kryeministri Sali Berisha, nga ballkoni i banesës, burimi PD

Ish-kryeministri Sali Berisha, në tubimin para banesës së tij, mbrëmjen e sotme ka deklaruar se në dosjet "Metamorfoza" gjenden kryeministri Edi Rama, Taulant Balla, Engjëll Agaçi, zyrtarët më të lartë, prokurorët dhe gjykatësit më të lartë.

Berisha ka ngritur akuza të forta duke thënë se te këto dosje janë dëshmitë më flagrante të porositjes së vrasjeve nga politikanë.

Sipas liderit të demokratëve në këto dosje janë pazaret e kriminelëve që kanë bërë me politikanët.

“Tek dosjet Metamorfoza ju gjeni Edi Ramën, Taulant Ballën, Engjëll Agaçin, zyrtarët më të lartë, qeveritarët më të lartë, gjykatësit më të lartë, prokurorët më të lartë, ata drejtues të botës së krimit në Shqipëri.

Tek këto dosje janë dëshmitë më flagrante të porositjes së vrasjeve nga politikanë.

Janë dëshmitë më flagrante të vizitave, telefonatave të bosëve më të rrezikshëm të krimit, pra jo vetëm Luftar Hysës, por edhe Ndokëve, Rrajave, Bajrëve, Troplinëve, Avdylëve, Çelëve në zyrat e Edi Ramës dhe Taulant Ballës. Në zyrat e qeveritarëve.

Në këto dosje janë pazaret kriminale që këto bosë mafiozë, këta vrasës mizorë, këta trafikantë të shpërfytyruar kanë bërë me Edi Ramën, me Taulant Ballën, me gjykatës, prokurorë, oficerë të lartë policie, ministra dhe zyrtarë të tjerë.

Në këto dosje janë varret e dhjetëra e dhjetëra shqiptarëve, viktima të krimit të lidhur këmbë e kokë me shtetin.

Në këto dosje janë grabitjet e dhjetëra mijëra hektarëve tokë dhe shndërrimi i tyre në resorte me firmën e Edi Ramës.

Në këto dosje transporti me baule diplomatike i dhjetëra e qindra milionë eurove të grupeve më të rrezikshme të trafikut të Europës në Shqipëri.

Në këto dosje janë transporti me baule diplomatike dhe rrugë të tjera i kontejnerëve, i bauleve me narko-euro.

Në këto dosje miqtë e mi janë lejet me 30 përqind ryshfet për Edi Ramën të kullave të drogës dhe korrupsionit, dëshmi e tmerrshme e skllavërimit të shqiptarëve nga narkoshteti”, tha Berisha./ CNA





Lajmet e fundit nga