web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet platforma televizive me 28 milionë euro borxhe

9 Qershor 2024, 15:08, Aktualitet CNA
Zbulohet platforma televizive me 28 milionë euro borxhe
Foto ilustruese e marrë nga Google, Forbes

Platforma televizive, e cila ka qenë krenaria e shqiptarëve, “DigitAlb” rezulton të ketë ndaj të tretëve dhe klientëve të saj, furnitorëve rreth 28 milionë euro.

Ky është një lajm i publikuar pak ditë më parë nga CNA, i cili ka tronditur aksionerët kryesorë, ortakët e inceneratorëve, Lori dhe Vjollca Hoxhën, bashkëpunëtorë të Mirel Mërtirit dhe Klodian Zotos, njerëzit mediatikë në krah të Erion Veliajt, të cilët pas publikimit të këtij lajmi vërsulën Aldor Ninin e “Acromax”, me pretendimin për mbrojtjen e të drejtave të autorit apo “copyright” sulmoi CNA-në në rrjetet sociale, pikërisht pasi doli ky lajm.

Po e shkruajmë për herë të tretë, herën e parë u goditëm në rrjete sociale dhe po vazhdojmë ta shkruajmë, do ta publikojmë çdo ditë këtë lajm dhe çdo lajm tjetër për ortakët e aferës së inceneratorëve Lori Hoxha dhe Vjollca Hoxha, kjo e fundit e thirrur në SPAK, ortake e Mirel Mërtirit dhe Klodian Zotos, ashtu sikundër edhe Lori Hoxha, të cilët kanë përfituar miliona euro dhe ne e kemi me fakte dhe dokumente, me prova ekskluzive.

Tani kemi sjellë një material të ri. 28 milionë euro borxhe të “DigitAlb”, një kompani e cila ka qenë krenaria e shqiptarëve siç e kemi theksuar për shkak të programacionit, prodhimeve sportive dhe sot shqiptarët paguajnë, por nuk kanë më as Kampionat Europian, as Champions League, as Seria A dhe “krenaria” më e madhe janë kanalet e “Big Brother”.

Por çfarë mund të jenë këto 28 milionë euro borxhe, a mund të jenë krenari për një platformë televizive, e cila ka qenë më e madhja në vend, e cila duket se ku ka shkuar, duket ku e kanë katandisur ortaket e inceneratorëve, të cilat tani shqetësohen për të vërteta që i thotë CNA-ja.

Ne do të vazhdojmë të vërtetën tonë, nuk do të ndalemi kurrë, mërzitet apo jo Vjollca Hoxha, mërzitet apo jo Lori Hoxha, shqetësohen apo jo për historitë e tyre rozë që përfundojnë në malin e Moravës.

E vërteta është që kanë qenë në ortakëri me inceneratorët, e vërteta është që janë shërbëtore të Erion Veliajt dhe pushtetit, e vërteta është që “DigitAlb” ka 28 milionë euro borxhe, e vërteta është që janë kthyer në media në shërbim të korrupsionit politik duke heshtur për denoncimet, për skandalet, për aferat dhe tani kërkojnë që CNA të pushojë së thëni të vërtetën për to, për milionat e eurove të kompanive të tyre, të cilat në fakt duhet të hetohen dhe më thellë nga SPAK-u.

Disa janë në dosjen e inceneratorëve, të tjerave duhet t’u shkohet deri në fund, jo vetëm ato që kanë kaluar nëpër banka, por dhe ato që kanë kaluar nëpër çanta dhe ato nga kompanitë e gjobaxhinjve që strehohen në “Top Channel” që kanë akuzuar Vjollca Hoxhën dhe në të kundërt.

Ndaj kjo platformë televizive e mbytur në borxhe dhe aksionerët e saj që kanë një nga televizionet që ka qenë krenaria e shqiptarëve nuk mund të ndalin CNA të thotë të vërtetën me fakte dhe prova të pakontestueshme siç e ka thënë që ditën e parë.

Edhe për historitë rozë që kanë tërhequr zvarrë Vjollcën dhe Lorin, edhe për dhjetëra miliona euro borxhe të “DigitAlb” dhe për ortakëritë dhe miliona eurot e përfituara nga incenereatorët dhe me paratë e shqiptarëve të varfër edhe si i kanë shërbyer klientelës politike të pushtetit të Rilindjes, Erion Veliajt dhe kryeministrit Rama./ CNA

 





Lajmet e fundit nga