web counter
LEXO PA REKLAMA!

SHKARKO APP

App Store
Google Play

E fundit!

x

Zgjerimi i autostradës Tiranë-Durrës/ Punimet nisin këtë muaj

9 Qershor 2024, 17:35, Aktualitet CNA
Zgjerimi i autostradës Tiranë-Durrës/ Punimet nisin
Foto ilustruese, marrë nga Google

Rruga më e rëndësishme dhe me fluksin më të lartë të qarkullimit të automjeteve, aksi Tiranë-Durrës pritet shumë shpejt t’i nënshtrohet rikonstrusionit të plotë.

Punimet për zgjerimin e autostradës Tiranë-Durrës, ku ka një fluks të shtuar gjatë fundjavave dhe në sezon veror për shkak të fluksit të qytetarëve që shkojnë drejt bregdetit, do të nisin në javën e tretë të qershorit.

Kreu i ARRSH-së, Genti Gjyli bëri të ditur se tashmë janë parashikuar dy procedura prokurimi për zgjerimin e Tiranë-Durrës, ndërkohë që ka përfunduar vlerësimi i kompanive konkurruese.

Ai tha për mediat se deri tani nuk ka ankimime dhe brenda muajit qershor do të lidhet kontrata, e më pas do të nisin punimet për zgjerimin.

“ARRSH ka parashikuar dy procedura prokurimi për zgjerimin e Tiranë-Durrës. Ka përfunduar vlerësimi i kompanive konkurruese. Deri tani nuk ka ankimime. Brenda muajit qershor  lidhet kontrata dhe  nisim punimet për zgjerimin. Rruga Tiranë-Durrës ka lëvizje mbi 80 mije mjete në ditë,  bashke me kompaninë do fokusojmë punën gjatë natës që të bëjmë hyrje-daljet në kantier të mjeteve të rënda dhe gjatë ditës do jemi në  punimet për zgjerim”, u shpreh kreu i ARRSH-së.

I pyetur për punimet në sezonin veror, Gjyli tha se ky segment është njësoj çdo ditë dhe se nuk ka periudhë të vitit me më pak ngarkesë.

“Për Tiranë-Durrës është njësoj çdo ditë. Nuk ka periudhë me pak ngarkesë për këtë rrugë. E vjetmja formë është të fokusohemi gjatë natës për punimet”, theksoi ai.

I gjithë projekti kushton 250 mln euro në të dy kahet. Sipas drejtorit të ARRSH-së, nëse do të ketë financime nga qeveria kjo rrugë do të mbaroj për 3 vite./ CNA





Lajmet e fundit nga