web counter
LEXO PA REKLAMA!

SHKARKO APP

App Store
Google Play

E fundit!

x

Protestuesit nuk ndalen/ Paralajmërimi për Veliajn para Bashkisë së Tiranës

10 Qershor 2024, 11:45, Aktualitet CNA

Qytetarët nuk janë ndalur, por janë mbledhur sërish të protestojnë para Bashkisë së Tiranës edhe këtë të hënë.

Me pankarta në duar dhe me thirrje, ata kanë kërkuar dorëheqjen e kryebashkikut të kryeqytetit, Erion Veliajt.

Qytetarët deklarojnë se nuk do të dorëzohen, por do të vijojnë protestat. Një paralajmërim të tillë e ka bërë edhe nënkryetari i Këshillit Bashkiak të Tiranës, Dorian Teliti.

Ai u shpreh se me protesta të qëndrueshme do të arrihet qëllimi madhor, ndryshimi i pushtetit.

Protestuesit nuk ndalen/ Paralajmërimi për Veliajn para Bashkisë
Dorian Teliti, burimi Partia Demokratike

“Në këtë protestë të 11-të ne kemi treguar diçka, që ne nuk dorëzohemi. Nuk dorëzohemi as para gardheve policore, as ndaj presioneve, as nga skafandrat që po afrohen tani, as nga dyqanet mediatike të blera.

Nuk dorëzohemi sepse ne jemi me të drejtën, qytetarët. Nuk dorëzohemi deri ditën që ata që kanë vjedhur e po shkatërrojnë Tiranën e Shqipërinë të dalin para drejtësisë dhe të marrin dënimin e merituar.

E ardhmja jonë dhe e fëmijëve tanë qëndron në shpresën e vetme për ta kthyer Tiranën dhe Shqipërinë në shinat e demokracisë.

Diktaturën e kanë parë dhe jetuar prindërit tanë. E kanë parë dhe jetuar edhe shumë prej nesh, ndonëse në moshë të re.

Diktaturën ne nuk e pranojmë dhe çdo qëllim i mazhorancës aktuale në nivel qendror dhe lokal për të instaluar diktaturën në Tiranë dhe Shqipëri do të marrin përgjigjen e merituar, atë të shqiptarëve të bashkuar, sepse vetëm të bashkuar ne do t'ia dalim.

Qëllimi i ndryshimit të madh arrihet vetëm me protestë të qëndrueshme, periodike, pa kthim pas dhe protestë gjithnjë e më të shumtë.

Prandaj të gjithë ne duhet të vazhdojmë të qëndrojmë më të bindur se kurrë se jemi në anën e së drejtës dhe përgjegjësia është në supet tona, përgjegjësia për ta bërë Tiranën një qytet normal dhe të jetueshëm”, theksoi Teliti./ CNA





Lajmet e fundit nga