web counter
LEXO PA REKLAMA!

SHKARKO APP

App Store
Google Play

Maturantët, në "ethe"/ Testohen sot dijet në Gjuhë shqipe dhe letërsi

10 Qershor 2024, 08:35, Aktualitet CNA
Maturantët, në "ethe"/ Testohen sot dijet në Gjuhë
Foto ilustruese, marrë nga Matura Shtetërore 2024

Rreth 28 mijë nxënës testohen këtë të hënë në Gjuhë shqipe dhe letërsi.

Ky është provimi i dytë për maturantët, pas atij të Gjuhës së huaj, që u zhvillua më 3 qershor.

Provimi do të zgjasë 2 orë e 30 minuta. 70% e sallave ku do të kryhet testimi janë të monitoruara nga kamerat.

Për monitorimin dhe administrimin e procesit do të angazhohen më shumë se 2900 punonjës të sistemit arsimor, përfshirë mësues, administratorë provimesh dhe staf të MAS dhe strukturave të varësisë.

Do të jenë 1900 administratorë provimi që monitorojnë grupe prej 15-20 nxënësish, 200 përgjegjës të administrimit, 250 administratorë të sekretimit, 290 përgjegjës për strukturat shkollore dhe mësues ndihmës për mbështetjen e nxënësve me aftësi të veçanta.

Gjithashtu janë 230 administratorë për monitorimin dhe vlerësimin e mbarëvajtjes së testimeve në të 144 pikat e provimeve.

Kujtojmë se më 18 qershor do të zhvillohet provimi i Matematikës dhe më 24 qershor, provimet me zgjedhje/ CNA





Lajmet e fundit nga