web counter
LEXO PA REKLAMA!

SHKARKO APP

App Store
Google Play

E fundit!

x

Apeli rrëzoi Bashën/ Mesazhi i Berishës: Dera është e hapur, ky moment heq hendekun e ndarjes

11 Qershor 2024, 14:43, Aktualitet CNA
Apeli rrëzoi Bashën/ Mesazhi i Berishës: Dera është e
Kreu i PD-se Sali Berisha

Kreu i PD-së, Sali Berisha, ka reaguar pas vendimit të Gjykatës së Apelit i cili i dorëzoi vulën dhe siglën e PD-së.

Përmes një mesazhi në rrjetet sociale, Berisha shkruan se ky moment heq hendekun e ndarjes mes demokratëve.

Lideri i demokratëve thekson se dera është e hapur për këdo dhe është koha të bashkohen rreth flamurit.

Ai theksoi se i vetmi i humbur nga vendimi i sotëm është kryeministri Edi Rama.  

“Mesazh për anëtarët dhe mbështetësit e PDSH!

Të dashur demokrate dhe demokratë, simpatizante dhe simpatizantë të PD.

Sot është dita të falënderoj dhe të përulem me respektin më të madh para çdo demokrateje e demokrati që shkroi historinë në kuvendin e 11 Dhjetorit!

Kjo nuk është historia e Sali Berishës, por historia e demokracisë dhe opozitarizmit, është mishërimi i aksiomës se Zoti është me qëndrestarët dhe guximtarët!

Askush më shumë se demokratët nuk e kanë provuar këtë përgjatë këtyre 30 viteve, ne 1992 në rrëzimin e diktaturës, në 97 përgjatë rebelimit të kuq, por dhe sot ku pavarësisht presionit padrejtësive e kërcënimeve ata ja dolën, as të mos kapen, as te mos shiten dhe mbi të gjitha të mos zhduken!

Qëndruan për Flamur!

Këtij vendimi historia do t’i njohë meritën e madhe të parandalimit të një mynxyre të vërtetë për vendin, kapjen e pluralizmit politik nga partia shtet.

Por sot është ditë e mirë edhe për çdo demokrat e demokrate që nuk është me Sali Berishën, por që është me Partinë Demokratike me Flamurin e saj pasi ky moment u heq atyre hendekun e ndarjes me shumicën e vëllezërve dhe motrave të tyre!

Sot dera për ta është e hapur dhe respekti për kontributet dhe mendimin ndryshe është i garantuar!

Sot duhet të bashkohemi rrethe Flamurit te pamposhtur të betejave tona.

Sot nuk ka fituar Sali Berisha, por demokracia. I vetmi i humbur sot është Edi Rama.

Qëllimi ynë i përbashkët duhet të jetë bashkimi për rrëzimin e tij dhe rikthimin e shpresës tek shqiptarët për të realizuar së bashku rotacionin e vonua, shpëtimin e Shqipërisë!

 O sot o kurrë!”, shkruan Berisha./ CNA





Lajmet e fundit nga