web counter
LEXO PA REKLAMA!

SHKARKO APP

App Store
Google Play

E fundit!

x

"Euro 2024"/ Ambasada shqiptare në Gjermani, shërbime konsullore në qytetet ku do të zhvillohen ndeshjet

11 Qershor 2024, 11:50, Aktualitet CNA
"Euro 2024"/ Ambasada shqiptare në Gjermani, shërbime
Foto ilustruese, marrë nga Google

Ambasada e Shqipërisë në Gjermani do të ofrojë shërbime konsullore në qytetet ku Kombëtarja shqiptare e futbollit do të luajë sfidat e "Euro 2024".

Ministria për Evropën dhe Punët e Jashtme ka njoftuar se gjatë mbajtjes së Kampionatit Evropian dhe pjesëmarrjes së ekipit kombëtar shqiptar në këtë kompeticion, ambasada shqiptare në Gjermani do të ofrojë shërbime konsullore në qytetet ku do të zhvillohen ndeshjet.

Në Dortmund shërbimet do të ofrohen më 14-15-16 qershor në Dhomën e Tregtisë të këtij qyteti.

Në Hamburg nga 18 deri në 20 qershor në Konsullatën e Përgjithshme të Republikës së Kosovës

Në Dyseldorf shërbimet do të ofrohen më 23-24-25 qershor në Konsullatën e Përgjithshme të Republikës së Kosovës.

Ky projekt ka si qëllim mbështetjen e shtetasve shqiptarë, të cilët mund të përballen me mungesën e dokumenteve të udhëtimit. Shërbimet që do të ofrohen janë leje kalimi dhe vetëdeklarim për humbje dokumenti.

Njoftimi i plotë:

Njoftohen të gjithë shtetasit shqiptarë se gjatë mbajtjes së Kampionatit Evropian EURO 2024 dhe pjesëmarrjes së ekipit kombëtar shqiptar në këtë kompeticion, Ambasada e Republikës së Shqipërisë në Republikën Federale të Gjermanisë dhe Konsullata e Republikës së Shqipërisë në Mynih do të ofrojnë shërbime konsullore në qytetet ku do të zhvillohen ndeshjet, në datat si më poshtë:

Në Dortmund - më 14-15-16 qershor 2024, në adresën: Märkische Straße 120 (Seminar Gebaüde), 44141 Dortmund (Dhoma e Tregtisë e Dortmundit - IHK)

Në Hamburg - më 18-19-20 qershor 2024, në adresën: Rothenbaumchaussee 133, 20149 Hamburg (Konsullata e Përgjithshme e Republikës së Kosovës në Hamburg)

Në Dyseldorf - më 23-24-25 qershor 2024, në adresën: Bilker Str. 29, 40213 Düsseldorf (Konsullata e Përgjithshme e Republikës së Kosovës në Dyseldorf)

Ky projekt ka si qëllim mbështetjen e shtetasve shqiptarë, të cilët mund të përballen me mungesën e dokumenteve të udhëtimit.

- Shërbimet që do të ofrohen janë:

- Leje kalimi

- Vetëdeklarim për humbje dokumenti

Në rast emergjencash shtetasit e interesuar janë të lutur të kontaktojnë në adresën e

- e-mailit: [email protected]

- dhe +49 1719259782

Gjithashtu, informacioni i kontaktit mund të gjendet edhe në aplikacionin #EURO2024 në rubrikën Event Companion / Host City / Stay and explore (qytetin ku jeni) / Embassy Contacts./ CNA

"Euro 2024"/ Ambasada shqiptare në Gjermani, shërbime





Lajmet e fundit nga