web counter
LEXO PA REKLAMA!

SHKARKO APP

App Store
Google Play

E fundit!

x

Urbanet e Zoologjikut mjet torture për udhëtarët

11 Qershor 2024, 20:14, Aktualitet Xhovan Shyti

Urbanet e Zoologjikut mjet torture për udhëtarët

Të udhëtosh me urbanet e linjës së kopshtit Zoologjik është një torturë e vërtetë pasi do të duhet të përballosh një sërë peripecish që nisin nga pritja e tejkaluar (mbi 1 orë) nëpër stacione, defektet  e autobusëve gjatë rrugëtimit, e ambientet e brendshme aspak të denja për transport njerëzish.

Si mjet i vërtetë torture shërbejnë autobusët e linjës së Zoologjikut ( e jo vetëm), veçanërisht në këto ditë me temperatura ekstreme, pasi udhëtarëve u duhet të përballojnë “përrenjtë” e djersës nga mungesa e kondicionerëve.

Gjë që i kthen ambientet e brendshme në  “sauna” lëvizëse. Mendoni, të përballosh për më shumë se 30 minuta udhëtimin në një vozë të mbyllur llamarine, ku sundon papastërtia e sediljeve e gjithsaje tjetër erëqelbur.

Në një ditë normale vajtje-ardhje, nga stacioni i trenit deri tek Kopshti Zoologjik, një udhëtar humbet  më shumë se 60-90’. Për ata që këtë udhëtim e bëjnë dy herë në ditë koha e humbur dyfishohet duke e kthyer në absurd faktin e përshkrimit të jo më shumë se 10 km për aq kohë sa të duhet për të mbërritur në Berat.

Në këtë llogaritje të kohëhumbjes nuk kemi përfshirë rastet e shpeshta të defekteve që pësojnë autobusët e “rraskapitur” të Zoologjikut.

Urbanet e Zoologjikut mjet torture për udhëtarët
Autobusi i linjës stacioni i Trenit-Teg i prishur

Arsye kjo që asnjëherë flota prej shtatë autobusash nuk është në shërbim. Pa dashur të shtrihemi në të shkuarën e largët po përmendim ditën e Hënë kur për më shumë se 6-të orë linjën e mbulonte vetëm një autobus.

Kjo për arsye të defekteve (këputjes së rripit të motorit, apo tejnxehjes etj.). Pasoja e sjellë ishte pritja alarmante nëpër stacione e udhëtarëve, tejmbushja e autobusave, rrugëtimi ngjeshur i tyre si të qenë shalqinjë.

Urbanet e Zoologjikut mjet torture për udhëtarët
Autobusi i linjës stacioni i Trenit-Teg i prishur

Ankesat e qytetarëve frekuentues nga halli të linjës Stacioni Trenit-Kopshti Zoologjik – TEG, janë të përditëshme.

Përballuesit e zemëratës së drejtë të tyre janë fatorinot e shoferët, që nuk kanë asgjë në dorë për zgjidhjen e problemit.

Megjithëse aktivitetin urban e zhvillojnë në kundërshtim me ligjet në fuqi, pronarët e kompanisë që administron këtë linjë nuk e prishin terezinë, pasi ndonëse ky avaz vijon prej vitesh askush nga instancat  zyrtare kompetente  nuk i ndëshkon/CNA





Lajmet e fundit nga