web counter
LEXO PA REKLAMA!

SHKARKO APP

App Store
Google Play

Arrestohet Durim Bami në Dubai/ Pritet ekstradimi

12 Qershor 2024, 11:00, Aktualitet CNA

Arrestohet Durim Bami në Dubai/ Pritet ekstradimi

Durim Bami, një nga të shumëkërkuarit e policisë, është arrestuar në Dubai. Policia me një njoftim zyrtar ka konfirmuar informacionet e djeshme mediatike për ndalimin e tij.

Durim Bami u shpall në kërkim gjatë megaoperacionit të SPAK-ut. Gjykata e Posaçme ka caktuar masën e sigurisë “arrest me burg”, pasi ndaj tij rëndojnë një sërë akuzash.

45-vjeçari akuzohet për disa vepra të rënda penale, si sigurimi i kushteve dhe i mjeteve materiale për të kryer vrasje, grup i strukturuar kriminal, kultivim i bimëve narkotike dhe kryerja e veprave penale nga organizata kriminale, ose grup i strukturuar kriminal.

Sipas dosjes së SPAK, Durim Bami akuzohet se ka siguruar kushtet për të vrarë Arben Ndokën, Tori Xheçukën dhe Erigers Mihasin, si dhe rezultonte i përfshirë në kultivimin e kanabisit në Tapizë të Niklës. Nga ana tjetër, po sipas dosjes së Prokurorisë së Posaçme, Durim dhe Valter Bami ishin në ndjekje nga 16 persona të tjerë të cilët kërkonin për t’i vrarë.

Policia thotë se vijon procedura për ekstradimin e Bamit drejt vendit tonë.

Njofimi i policisë:

Si rezultat i shkëmbimit të menjëhershëm të informacionit, ndërmjet strukturave të Policisë së Shtetit dhe homologëve në Emiratet e Bashkuara, u arrestua në Dubai, me qëllim ekstradimin në Shqipëri, shtetasi D. B., 45 vjeç.

Gjykata e Posaçme e Shkallës së Parë Kundër Korrupsionit dhe Krimit të Organizuar, më datë 15.05.2024, i ka caktuar këtij shtetasi, masën e sigurise "Arrest në burg", per veprat penale "Sigurimi i kushteve dhe i mjeteve materiale per te kryer vrasje", “Grupi i strukturuar kriminal", "Kultivimi i bimëve narkotike", dhe "Kryerja e veprave penale nga organizata kriminale, ose grup i strukturuar kriminal".

Vijon procedura per ekstradimin e ketij shtetasi drejt vendit tone./ CNA





Lajmet e fundit nga