web counter
LEXO PA REKLAMA!

SHKARKO APP

App Store
Google Play

E fundit!

x

Fluks, në Rinas/ TIA, njoftim të rëndësishëm për qytetarët

19 Qershor 2024, 19:10, Aktualitet CNA
Fluks, në Rinas/ TIA, njoftim të rëndësishëm për
Aeroporti Ndërkombëtar i Tiranës, foto e marrë nga Google

Fluksi i lartë i pasagjerëve që po lëvizin përmes Aeroportit Ndërkombëtar të Rinasit ka bërë që të rëndohet trafiku, duke krijuar vonesa të pasagjerëve për të arritur në kohë në aeroport.

Qytetarët që kanë zgjedhur të udhëtojnë nëpërmjet aeroportit të Tiranës duhet të paraqiten në ambjentet e aeroportit të paktën 3 orë përpara kohës së planifikuar të nisjes.

Ky vendim është marTë si një masë për të shmangur trafikun e rënduar gjatë këtij sezoni veror. Aeroporti Ndërkombëtar i Tiranës (TIA), nëpërmjet një njoftimi, u ka bërë thirrje pasagjerëve që udhëtojnë nga Rinasi të jenë në kohë për udhëtimin e tyre.

“Për të siguruar një udhëtim të qetë dhe për të shmangur trafikun e rënduar gjatë këtij sezoni veror, ju lutemi të gjithë pasagjerët të mbërrijnë në aeroport të paktën 3 (trI) orë përpara kohës së planifikuar të nisjes. Kjo masë proaktive do të na ndihmojë të mbajmë operacione efikase dhe t’ju ofrojmë një përvojë pa stres”, apelon TIA.

3-mujori i parë i këtij viti nis me një rritje të jashtëzakonshme të numrit të udhëtarëve nga Aeroporti Ndërkombëtar i Tiranës, krahasuar me vitin e kaluar. Vetëm në tre muajt e parë të vitit 2024 TIA raporton 63.9% më shumë udhëtarë sesa e njëjta periudhë e vitit të kaluar ose 1,9 milionë pasagjerë që kanë hyrë dhe kanë dalë nga Shqipëria. Ndërkohë që mbi 250 avionë ulen dhe ngrihen në ditë në Aeroportin e Rinasit./ CNA





Lajmet e fundit nga