web counter
LEXO PA REKLAMA!

SHKARKO APP

App Store
Google Play

E fundit!

x

Seanca në GJKKO ndaj kryebashkiakut socialist, Memolla: Dëshmova, jam i pafajshëm

20 Qershor 2024, 11:00, Aktualitet CNA
Seanca në GJKKO ndaj kryebashkiakut socialist, Memolla: Dëshmova, jam
SPAK, foto: LSA

Kryebashkiaku i Rrogozhinës, Edison Memolla, ka marrë pjesë sot në seancën gjyqësore që po zhvillohet në Gjykatën e Posaçme. Kjo për shkak se në nëntor të vitit 2023, ai u mor zyrtarisht si i pandehur nga SPAK-u.

‘Isha për të dhënë dëshminë time në lidhje me procesin ndaj meje. Unë kam qenë i gatshëm gjithmonë dhe shpresoj se drejtësia të nxjerrë të vërtetën në lidhje me akuzat dhe të më shpallë të pafajshëm’, tha Edison Memolla për mediat.

Teksa u pyet nga gazetarët nëse ka hetim për pasurinë e tij, ai u shpreh ‘të bëjnë ç’të duan’.

Kryebashkiaku socialist akuzohet për veprën penale “Korrupsioni aktiv në zgjedhje” i kryer në bashkëpunim.

Nga hetimet e SPAK-ut është konstatuar dhe provuar se Memolla, në zgjedhjet e pjesshme vendore të 6 marsit 2022, ka ndikuar tek elektricisti Blerim Xhamani që të mos i ndërpresë energjinë elektrike një abonenti debitor, me qëllim votën në favor të tij, si dhe komunikoi me të për punësimin në Bashkinë Rrogozhinë, në këmbim të votës.

Gjithashtu, si të pandehur janë marrë edhe shtetasit Ndriçim Tafxhafa, Blerim Xhamani dhe Isuf Tosku./CNA 





Lajmet e fundit nga