web counter
LEXO PA REKLAMA!

SHKARKO APP

App Store
Google Play

E fundit!

x

Mandati i Olta Xhaçkës/ Sot "Kushtetuesja" shqyrton padinë e PD-së

21 Qershor 2024, 09:17, Aktualitet CNA
Mandati i Olta Xhaçkës/ Sot "Kushtetuesja" shqyrton
Olta Xhaçka

Të premten do të zhvillohet një seancë në Gjykatën Kushtetuese ku do të shqyrtohet padia e Partisë Demokratike për mandatin e deputetes socialiste, Olta Xhaçka.

Seanca pritet të nisë në orën 10:00. 

Më 11 prill mazhoranca votoi në Kuvend kundër dërgimit të mandatit të deputetes socialiste Olta Xhaçka për shqyrtim në Gjykatë Kushtetuese. 

Kërkesa e opozitës u rrëzua me 72 vota kundër të Partisë Socialiste, përkundrejt 32 votave pro të deputetëve të opozitës që mbështetën dërgimin e çështjes së ish-ministres së Jashtme në Kushtetuese.

Xhaçka mbante detyrën e ministres së Jashtme në kohën kur Komiteti i Vendimeve Strategjike i drejtuar nga kryeministri Edi Rama miratoi statusin e “investitorit strategjik” për bashkëshortin e saj, Artan Gaçi, i cili po ndërton një hotel në Dhërmi. 

Në deklaratat e saj, ish-ministrja këmbëngul se nuk është në konflikt interesi dhe se nuk ka përfituar asnjë centimetër tokë shtetërore dhe asnjë lloj përfitimi tjetër publik. Sipas saj, i vetmi përfitim nga ky status lidhej me kompaninë që në një të ardhme do të menaxhojë aktivitetin për sipërfaqen e plazhit para hotelit./CNA

 





Lajmet e fundit nga