web counter
LEXO PA REKLAMA!

SHKARKO APP

App Store
Google Play

Sot protesta e 13-të kundër Veliajt/ Rrugët që do të bllokohen në kryeqytet

21 Qershor 2024, 07:33, Aktualitet CNA
Sot protesta e 13-të kundër Veliajt/ Rrugët që do të
Protesta para bashkisë Tiranë, burimi LSA

Sot në orën 11:00 pritet të nisë protesta e radhës para Bashkisë së Tiranës, ku qytetarët do të kërkojnë dorëheqjen e Erion Veliajt, pas skandaleve dhe aferave korruptive që kanë ndodhur në këtë institucion. 

Kjo është protesta e 13-të, ku pritet që qindra qytetarë të Tiranës, përfaqësues të Aleancës për Mbrojtjen e Teatrit dhe të opozitës të mblidhen para këtij institucioni. 

Qytetarët kanë paralajmëruar se nuk do të ndalen deri në largimin e Veliajt, ndërsa policia nga ana tjetër ka njoftuar se ka nisur marrjen e masave.

Protestat nisën pas skandalit që ka mbërthyer bashkinë, ku shumica e drejtorëve kanë përfunduar në burg për shkak të abuzimeve me tenderët, por edhe për aferën në inceneratorin e Tiranës.

Disa javë më parë, SPAK-u mori në pyetje Veliajn në lidhje me aferën e inceneratorit të Tiranës, hetimet e së cilës janë drejt përfundimit.

Masat e marra nga policia për protestën: 

Policia e Shtetit njofton se do të ketë bllokim të përkohshëm të qarkullimit të mjeteve, në bulevardin kryesor pranë Bashkisë së Tiranës.

Policia u bën thirrje shoferëve që të ndjekin rrugë alternative, deri në përfundim të tubimit, si Unaza e Mesme dhe Unaza e Madhe.

Ndërkohë u bëhet thirrje organizatorëve, drejtuesve dhe pjesëmarrësve në tubime për të respektuar ligjin dhe për t'u distancuar nga çdo akt dhune./CNA 





Lajmet e fundit nga