web counter
LEXO PA REKLAMA!

SHKARKO APP

App Store
Google Play

Zyrtari i DASH-it: SPAK po bën punë të shkëlqyer, do e mbështesim

21 Qershor 2024, 18:27, Aktualitet CNA
Zyrtari i DASH-it: SPAK po bën punë të shkëlqyer, do e
Zyrtari i DASH-it, Richard Nephew me kreun e SPAK-ut, Altin Dumani. Burimi, Ambasada e SHBA-së në Tiranë

Zyrtari i DASH-it, Richard Nephew ka vlerësuar punën e SPAK-ut këtë të premte.

Koordinatori për Anti-Korrupsionin Global në Departamentin amerikan të Shtetit tha për Zërin e Amerikës se SHBA po i sheh të gjitha përpjekjet e mira të Prokurorisë së Posaçme.

Ai siguroi edhe njëherë mbështetje për SPAK-un, duke theksuar se ky institucion drejtësie duhet mbështetur edhe nga shoqëria dhe politika.

"Mendoj se SPAK po bën punë të shkëlqyer. Dhe sigurisht që i shohim të gjitha përpjekjet e mira që po bëhen dhe po bëjmë edhe ne përpjekjet më të mira për ta mbështetur SPAK dhe gjithçka që ai bën, por nuk mund të jetë gjithçka në shtysën kundër korrupsionit në Shqipëri.

Për të pasur sukses në luftën kundër korrupsionit, kërkohen përpjekjet e të gjithë shoqërisë dhe të gjithë qeverisjes. Prandaj mendoj se është me vend, që të gjenden mënyra të reja që të gjitha institucionet e ndryshme të qeverisë si dhe organizatat e shoqërisë civile të kontribuojnë për këto përpjekje për të ndarë ide dhe për të punuar bashkë teksa e bëjnë këtë", tha Nephew./ CNA





Lajmet e fundit nga