web counter
LEXO PA REKLAMA!

SHKARKO APP

App Store
Google Play

E fundit!

x

Çfarë kanë bërë Artan Hoxha dhe Elton Qyno më shumë se mediat kryesore në Shqipëri?

8 Dhjetor 2024, 19:58, Editorial CNA
Çfarë kanë bërë Artan Hoxha dhe Elton Qyno më
Artan Hoxha dhe Elton Qyno

Gati 10 ditë më parë në media doli informacioni nga SPAK se gazetari Artan Hoxha ishte hetuar, kishte dalë në përgjimet e “Sky ECC” dhe “Encrochat” së bashku me kolegun tjetër Elton Qynon.Artan Hoxha kishte marrë materiale, kishte ndikuar, përflitet për shuma parash, pagesa e të tjerë.

Në ato momente pati një sulm të madh ndaj gazetarit. Edhe ndaj kolegut të tij Elton Qyno. Dikush kërkonte që të braktiste gazetarinë, dikush tjetër të merrte përgjegësinë deri në fund.

Në fakt, Artan Hoxha kishte përdorur segmente të grupeve kriminale për interesat e tij për të dalë në media edhe ishte paguar por tani që gjakrat janë më të ftohta a mund të thotë dikush publikisht çfarë ka bërë Artan Hoxha më shumë se mediat kryesore në vend?

Lind pyetja: Çfarë ka bërë Artan Hoxha më shumë sesa Top Channel?

Në Top Channel ka kronika pafund, emisione speciale investigative kundër prokurorëve të SPAK, në Top Cahnenl ka kronika pafund pro inceneratorëve, ndërkohë që paguhej nga truri i tyre Mirel Mërtiri për një aferë 1 miliardëshe ku Vjollca Hoxha dhe familjarët e saj dilnin ortakë me Mirel Mërtirin dhe Klodian Zoton dhe merrnin para për të thënë se inceneratorët ishin të bukur, se ai në Fier punonte, se ai në Elbasan punonte, dhe në Tiranë shikojeni nuk keni sy, megjithëse nuk ekzistonte.

Çfarë ka bërë më shumë Artan Hoxha se sa ka bërë Top Channel?

Çfarë ka bërë më shumë Artan Hoxha se sa Carlo Bollino?

Që ka bërë të njëjtën gjë si Top-i vetëm në ortakëri nuk është me inceneratorët. Është paguar 10 mijë euro thotë një e-mail që është në duart e SPAK se jemi në fushatë.

Çfarë ka bërë Artan Hoxha më shumë?

Çfarë ka bërë Elton Qyno më shumë sesa Carlo Bollino?

Se ka korrigjuar Eltoni dy lajme në “shqiptarja.com”, në mediat e Carlos, ndërkohë që ka marrë lëmoshë Eltoni, ndërkohë që Carlo merrte mijërat e eurove nga inceneratorët që nuk ekzistonin.

Çfarë ka marrë Elton Qyno?

Ka marrë bunk’arte? Ka marrë koncesnione nga qeveria? Ka marrë objekte? Ka ndërtuar redaksi? Ka marrë para publike, se gazetarët u kryqëzuan? Ata mund të kenë përgjegjësinë e tyre, ligji do ta vendosë, gjykata.

Do të nxjerrin provat dhe faktet e tyre. Akuzojnë Erion Veliajn, akuzojnë grupet kriminale, mund të jenë përdorur, keqpërdorur.

Por a mund të thotë dikush se çfarë kanë bërë këta dy djem më shumë se Irfan Hysenbelliu?

Që ndërtonte pa leje, zaptonte plazhet që nuk paguante taksat. A mund të thotë kush?

Këta më të mëdhenjtë janë edhe më bashkëpunëtorë me korrupsionin e pushtetit sesa disa gazetarë të cilët kanë gabuar padiskutim por përpara se të gjykoni gazetarët, gjykoni pronarët. Shikoni të vërtetën në sy pastaj mbani leksione për disa individë që kanë gabuar dhe do të mbajnë përgjegjësi para ligjit.

Gabimet e tyre mund të jenë të mëdha, me pasoja, kanë keqpërdorur besimin e kolegëve, kanë keqpërdorur besimin e mediave e të tjerë por në fakt me zullumin e mediave në Shqipëri, me atë që ndodh çdo ditë më inceneratorët, me dosjen 5D, me korrupsionin, me skandalet, me pagesat, me listëpagesat e fshehura me aferat që u jepen mediave, Artan Hoxha dhe Elton Qyno janë “yje që ndriçojnë natën” në errësirën e krijuar nga mediat e korruptuara  pro pushtetit./ CNA

 





Lajmet e fundit nga