web counter
LEXO PA REKLAMA!

SHKARKO APP

App Store
Google Play

"Top Channel", aleati mediatik i aferës së inceneratorëve sfidon SPAK

22 Mars 2024, 10:44, Aktualitet CNA

"Top Channel", aleati mediatik i aferës së

Media kombëtare në vend, "Top Channel", është aleati mediatik i aferës së inceneratorëve dhe sfidanti i SPAK.

CNA ka denoncuar prej vitesh mediat që paguhen dhe janë në shërbim të grupit kriminal të inceneratorëve, ku "Top Channel" na ka treguar se është i gashtëm të bëjë gjithçka në shërbim të kokave të kësaj afere që ka vjedhur miliona euro nga xhepat e shqiptarëve të varfër. 

"Top Channel", jo pak herë, ka tentuar të shantazhojë apo të kërcënojë prokurorët e SPAK-ut duke ushtruar presion të hapur për hetimet e kësaj aferë, që deri në tani ka çuar në pranga ish-ministra apo zyrtarë të lartë të qeverisë Rama. 

"Top Channel" ka treguar me zë dhe figurë që mbrojtësi publik i Mirel Mërtirit, "trurit" të inceneratorëve, ku me emisione apo kronika televizive ka sulmuar SPAK-un dhe jo vetëm. Top nuk është i vetmi ka edhe aleatë të tjerë mediatikë.

Gjithçka është dirigjuar nga Mirel Mërtiri, i cili jep thasë me para jo vetëm për këtë media, por edhe për të tjera, në mënyrë që të mbajë nën presion apo të shantazhojë publikisht prokurorët e SPAK. Ata teguan se nuk tremben apo të tërhiqen para Vjollca Hoxhës dhe sulmeve kriminale mediatike, që vijnë nga bashkëpunëtorë me grabitësit më të mëdhenj të shqiptarëve. 

Prokurorët e SPAK-ut duhet të zbulojnë deri në fund skemat dhe të çojnë pas hekurave të gjithë personat e përfshirë në aferë dhe shqiptarëve të varfër t'u kthehen paratë e grabitura nga afera e inceneratorëve.

CNA e ka denoncuar me prova dhe me fakte që "Top Channel" nuk flet dot për aferën e inceneratorëve, pasi ka marrë miliona euro  nga kompanitë e tyre apo të lidhur me ta.

Fakti është që "Top Channel" është një televizion i paguar nga inceneratorët dhe ekrani kryesor i Mirel Mërtirit, Klodian Zotos dhe Stela Gugalljës.

Një fakt me rëndësi është që Vjollca Hoxha është ortake në të paktën dy kompani me bandën e inceneratorëve, Lori Hoxha dhe trashëgimtarët e Dritan Hoxhës ishin ortakë me Mirelin dhe Klodin te “Lori Caffe”.Lidhjet janë shumë të ngushta dhe sigurisht bashkëpunëtorët nuk e lëshojnë shumë lehtë njëri-tjetrin, pasi në mes janë shuma të mëdha parash dhe bashkëpunim për të ndhihmuar njëri-tjetrin. Njëri i vjedh e paguan më tej për propagandën. 

SPAK-ut nuk mund dhe nuk duhet të ndalet ndaj goditjes së kësaj bande dhe aleatit të saj  "Top Channel" dhe mediave të tjera që kanë mbështetur vjedhjen e shekullit ./CNA 

 





Lajmet e fundit nga