web counter
LEXO PA REKLAMA!

SHKARKO APP

App Store
Google Play

E fundit!

x

Sot Sulltan Nevruzi/ Dita e shpresës dhe ringjalljes për bektashinjtë

22 Mars 2024, 08:34, Aktualitet CNA

Sot Sulltan Nevruzi/ Dita e shpresës dhe ringjalljes për

Ditën e sotme, besimtarët bektashinj festojnë ditën e Sulltan Nevruzit, e cila është ditëlindja e Imam Aliut në Qabe. Në këtë ditë çdo gjë ringjallërohet, lind shpresa, ringjallja për të gjithë njerëzimin. Ajo është një ditë e re, kur të gjithë shpresojnë për një të ardhme më të mirë.

Fjala "Nevruz" vjen nga persishtja dhe do të thotë “Dita e re”, ndërsa "Sulltan" është titulli i lartë që tregon rëndësinë e kësaj dite.

Festa e Sulltan Nevruzit ka mbërritur në viset shqiptare së bashku me besimin bektashian, në shekujt XV-XVI. Në shekullin XX dhe në mënyrë të veçantë në mesin e tij, kjo festë është shndërruar në një manifestim mbarëkombëtar. Diktatura komuniste në Shqipëri, e prirur drejt ateizmit, në vitin 1967 i mbylli të gjitha objektet e kultit, përfshi ato të besimit bektashian.

Në Shqipëri Dita e Nevruzit, festa më e rëndësishme e bektashizmit, u dekretua si festë kombëtare në vitin 1996. Sekti i bektashinjve është i vendosur kryesisht në jug të vendit, ndërkohë që ai ka një shtrirje të konsiderueshme në territorin e Republikës së Shqipërisë. Bektashinjtë janë të përhapur edhe në Kosovë dhe në Maqedoninë e Veriut, ku krahas sunitëve ata përbëjnë popullsinë shqiptare të besimit mysliman./CNA 

 





Lajmet e fundit nga