E fundit!

13:48 Aktualitet

Erion Braçe del nga kontrolli/ Shpërthen në të shara ndaj qytetarit: Bthqr, qelbësirë!

Deputeti Erion Braçe është filmuar në hyrje të Kryesisë së...

Nga Porto Romano tek ura e Kukësit/ Gazetarja ia numëron një për një Ramës: Ke frikë nga kompanitë

22 Mars 2024, 07:45, Aktualitet CNA

Nga Porto Romano tek ura e Kukësit/ Gazetarja ia numëron një

Ola Xama

Gazetarja Ola Xama, në një postim në rrjetet sociale, ka komentuar disa nga deklaratat e bëra mbrëmë në emisionin "Opinion" të kryeministrit Edi Rama.

Ajo hodhi poashtë deklaratën e kryeministrin se SPAK-u po mban të bllokuar një investim me vlerë 200 milionë euro në portin e Marina Limionit në Sarandë. Sipas gazetares, kjo kontratë ka vlerë vetëm 13.4 milionë euro.

Për projektin e Porto Romanos, Xama nënvizoi se është pushtuar toka dhe do të bëhen ndërtime pa leje.

Gazetarja nënvizoi më tej se kryeministri ka frikë t’ua hedhë fajin dhe kompanive private që kanë shkelur prej vitesh kontrata për projektet publike.

"Tha se Shqipërinë bashkë me drejtësinë e re që po vepron e ka bërë Partia Socialiste, por fajin për urën e Kukësit që nuk ka përfunduar nuk e ka ajo, por PD që nuk e mbaroi për 8 vjet. Ndërkohë për 2 vjet që e nisi ndërtimin qeveria e PS-së në vitin 2003 dhe 10 vjet në pushtet që është vetë vitet e fundit, nuk gjen asnjë përgjegjësi. Ka frikë t’ua hedhë fajin dhe kompanive private që kanë shkelur prej vitesh kontratën", shprehet ndër të tjera ajo.

Reagimi i plotë:

Kryeministri deklaroi se SPAK-u po mban të bllokuar një investim me vlerë 200 milionë euro në portin e Marina Limionit në Sarandë. Se ku e gjeti këtë shifër duhet të na i sqarojë, sepse kontrata e miratuar me kompanitë Kastrati dhe Edil-Al është 1.37 miliard lekë, ose 13.4 milionë euro.

Tha se nuk komenton vendimet e drejtësisë, por në këtë rast nuk harroi të shtonte se xhepat e shqiptarëve (taksat e tyre) ishin në mëshirën e kompanive që ‘shyqyr zotit’ janë shqiptare sepse mund t’i drejtoheshin Gjykatës Ndërkombëtare të Arbitrazhit.

Harroi të shtonte se një nga këto kompani është po ashtu në mëshirën e drejtësisë për pushtimin e tokës dhe ndërtim pa leje në zonën e parkut industrial në Porto Romano, apo se gjykata e Arbitrazhit mbron investitorët vetëm kur konstaton se ndërhyn politika dhe jo drejtësia (rasti Beccheti).

Ishte kontradiktor kur tha se ishte zgjedhur që porti tregtar në Porto Romano të ndërtohej me prokurim të fondeve publike që vepra dhe të ardhurat që vilen t’i mbeten shtetit, sepse i bie që nuk ka mbrojtur interesat e shtetit në rastin e koncesionit në rrugën Thumanë-Kashar ku kompania projekton të fitojë për vitet e kontratës afërsisht 1 miliard euro, ose të mirëmbajtjes së rrugës Milot -Morinë ku koncesionari ka kaluar prej kohësh skenarin bazë të fitimit e shumë të tjera të ngjashme.

E vërteta është se investitorët u ftuan, bankat u lutën, por nuk e gjeti njeri projektin fizibël, sepse nuk ka studim fizibiliteti. Nuk ka firmë serioze të vijë të investojë 400 milionë euro pa patur këtë siguri, përveçse kur bën sikur investon, por përfundon duke dhuruar nëpër restorante ishuj dhe toka në bregdet me marrëveshje xhentëlmenësh.

Tha se Shqipërinë bashkë me drejtësinë e re që po vepron e ka bërë Partia Socialiste, por fajin për urën e Kukësit që nuk ka përfunduar nuk e ka ajo, por PD që nuk e mbaroi për 8 vjet. Ndërkohë për 2 vjet që e nisi ndërtimin qeveria e PS në vitin 2003 dhe 10 vjet në pushtet që është vetë vitet e fundit, nuk gjen asnjë përgjegjësi. Ka frikë t’ia hedhë fajin dhe kompanive private që kanë shkelur prej vitesh kontratën.

Në fund e mbylli me tezën se shqiptarët nuk janë më të palumturit në rajon (siç kishim dalë të Indeksi Global i Lumturisë), por nuk kënaqen kurrë dhe mirë bëjnë. Kjo ishte vetëm pjesa e parë…/CNA