web counter
LEXO PA REKLAMA!

SHKARKO APP

App Store
Google Play

E fundit!

x

Festa e Sulltan Nevruzit/ Urimi i Blinken-it për besimtarët bektashinj

22 Mars 2024, 09:26, Aktualitet CNA
Festa e Sulltan Nevruzit/ Urimi i Blinken-it për besimtarët bektashinj
Antony J. Blinken

Sekretari Amerikan i Shtetit, Antony J. Blinken, ka uruar besimtarët shqiptarë për festën e Sulltan Nevruzit. Në një postim të shpërndarë nga ambasada amerikane në rrjetet sociale, Blinken uron për të gjithë besimtarët bektashinj sa më shumë paqe, shëndet, begati dhe gëzim. 

“Në emër të Departamentit të Shtetit, u uroj Gëzuar Nevruzin të gjithë atyre që festojnë këtë traditë të lashtë dhe ardhjen e pranverës. Për shekuj me radhë, bashkësi përreth botës, përfshirë në Iran, Lindjen e Mesme, Azinë Qendrore dhe të Jugut, Evropë dhe përtej, janë mbledhur për të festuar përtëritjen e natyrës dhe premtimin e një viti të ri. Nevruzi ofron një mundësi për të përtëritur marrëdhënie të rëndësishme, për të vlerësuar bekimet dhe për të parë përpara, drejt asaj që e ardhmja sjell. Teksa reflektojmë mbi këtë vit të shkuar, ne shpresojmë që ky vit i ri të sjellë më shumë paqe në botë, e gjithashtu shëndet, begati dhe gëzim.” - shkruan Sekretari i Shtetit i SHBA-së, Antony J. Blinken.

Ditën e sotme, besimtarët bektashinj festojnë ditën e Sulltan Nevruzit, e cila është ditëlindja e Imam Aliut në Qabe. Në këtë ditë çdo gjë ringjallërohet, lind shpresa, ringjallja për gjithë njerëzimin. Ajo është një ditë e re, kur të gjithë shpresojnë për një të ardhme më të mirë.

Fjala "Nevruz" vjen nga persishtja dhe do të thotë “Dita e re”, ndërsa "Sulltan" është titulli i lartë që tregon rëndësinë e kësaj dite.

Festa e Sulltan Nevruzit ka mbërritur në viset shqiptare së bashku me besimin bektashian, në shekujt XV-XVI. Në shekullin XX dhe në mënyrë të veçantë në mesin e tij, kjo festë është shndërruar në një manifestim mbarëkombëtar. Diktatura komuniste në Shqipëri, e prirur drejt ateizmit, në vitin 1967 i mbylli të gjitha objektet e kultit, përfshi ato të besimit bektashian. /CNA 





Lajmet e fundit nga