web counter
LEXO PA REKLAMA!

SHKARKO APP

App Store
Google Play

E fundit!

x

Një përgjigje e ambasadës amerikane për sulmet ndaj Altin Dumanit

5 Nëntor 2024, 20:53, Editorial CNA
Një përgjigje e ambasadës amerikane për sulmet ndaj Altin
Fotomontazh - Altin Dumani, në sfond ambasada amerikane në Tiranë

Prej disa muajsh, me ardhjen e zotit Altin Dumani në krye të SPAK-ut, opozita ka filluar një sulm frontal.

Të njëjtin sulm e bëjnë edhe mediat e pushtetit, por janë më të kujdesshme me individë të caktuar, me media anonime, godasin, sulmojnë prokurorë të caktuar, për çështje të caktuara.

Sali Berisha del në mënyrë të drejtpërdrejt, sulmon Dumanin, prokurorin që drejton SPAK-un, që nuk ka asnjë lidhje me dosjen e tij, tjetër kush e ka bërë atë dosje. (Lexo këtu)

Një përgjigje e ambasadës amerikane për sulmet ndaj Altin
Sali Berisha

Nga ana tjetër, kujtojmë sulmet e “Top Channel”, mediat e paguara nga inceneratorët dhe në ortakëri me ta ndaj prokurorëve të tjerë të SPAK-ut, të cilët kishin pikërisht çështjen e inceneratorëve, Klodian Brahon, Ened Nakuçin, Dritan Prençin e kështu me radhë. (Lexo këtu)

Politika dhe media, të gjithë kundër SPAK-ut.

Dikush ndoshta edhe e ka frikë Dumanin, dikush nuk e sulmon sepse mendon që ky i fundit mund ta ndihmojë apo ta lehtësojë. Në fakt, ata që e thonë këtë nuk e njohin këtë zyrtar të shtetit që plot dinjitet po i qëndron përballë fort, si asnjëherë tjetër, luftës me krimin dhe korrupsionin.

Një përgjigje e ambasadës amerikane për sulmet ndaj Altin
Kreu i SPAK-ut, Altin Dumani

Përtej broçkullave politike faktet janë fakte. Kurrë nuk ishte parë dhe nuk ishte dëgjuar kjo frikë ndaj drejtësisë.

Në fakt, duhej një prokuror si Altin Dumani që të tregonte se ka edhe burra që të bashkohen dhe të luftojnë për drejtësi në këtë vend, për drejtësinë e qytetarëve, në një vend ku duan të rrisin fëmijët e tyre shumë shqiptarë, por ikin për shkak të korrupsionit dhe krimit në vend.

Sot ambasada amerikane ka dhënë një përgjigje ndaj të gjitha këtyre akuzave apo sulmeve që i bëhen SPAK-ut.

Një përgjigje e ambasadës amerikane për sulmet ndaj Altin
Ambasada amerikane në Tiranë

Në një njoftim të thjeshtë të ambasadës së SHBA-së bëhet e ditur se zoti Dumani ka udhëtuar drejt Brazilit, një lajm që dihej nga mediat, ikja e tij, për disa ditë kthimi, 3 çështje të rëndësishme. Zyrtarë dhe prokurorë të lartë të Brazilit, së bashku me zotin Dumani kanë shkëmbyer informacione për krimin e organizuar dhe për sasitë e kokainës nga Amerika e Jugut në Europë. (Lexo këtu)

OPDAT-i që ka mundësuar vizitën, sipas njoftimit të ambasadës amerikane, është financuar nga Byroja Ndërkombëtare për Narkotikët dhe Çështjet e Zbatimit të Ligjit (INL) e Departamentit të Shtetit të SHBA-ve.

Pra, gjithçka e financuar për SPAK-un dhe prokurorët e këtij institucioni nga SHBA, nga një prej zyrave më të rëndësishme.

Një përgjigje e ambasadës amerikane për sulmet ndaj Altin
SPAK

Në fjalinë e fundit të njoftimit të ambasadës amerikane thuhet se zoti Altin Dumani shoqërohej nga katër prokurorë të tjerë të SPAK-ut, këshilltari ligjor i SPAK-ut, një hetues i BKH-së, këshilltari ligjor amerikan dhe një agjent i FBI-së të vendosur pranë SPAK-ut.

Nga kjo kuptojmë se në krah të zotit Dumani dhe SPAK-ut qëndron një këshilltar ligjor amerikan dhe një agjent i FBI-së.

Gjithashtu, lëvizjet, të cilat në këtë rast ishin edhe transoqeanike deri në Brazil financohen sërish nga SHBA-ja, nga një nga zyrat më të rëndësishme të saj.

Një përgjigje e ambasadës amerikane për sulmet ndaj Altin
Kreu i SPAK-ut, Altin Dumani me delegacionin në Brazil

Pra, kjo është përgjigja që amerikanët në mënyrë aspak diplomatike, por të drejtpërdrejtë tregojnë kë po financojnë, kë po mbështesin dhe kush është Altin Dumani.

Ata që mendojnë se sulmet politike mund të ulin integritetin apo kokën e një individi, apo edhe të një institucioni, tashmë e kanë gabim. (Lexo këtu)

Ambasada amerikane ka dalë hapur, ne jemi me ata, ata janë me ne, ndaj shqiptarët duhet të neverisin çdo sulm dhe shpifje të bërë ndaj zotit Dumani dhe një pjesë të prokurorëve të SPAK-ut.

Ndoshta duhet thënë se jo të gjithë kanë të njëjtin integritet, por instucioni i SPAK-ut ka një drejtues dhe prokuror të mbështetur nga amerikanët, të financuar nga amerikanët, për të luftuar krimin dhe korrupsionin në Shqipëri./ CNA





Lajmet e fundit nga