web counter
LEXO PA REKLAMA!

SHKARKO APP

App Store
Google Play

Varka e Ramës dhe fyelli i Lorenc Vangjelit

17 Shtator 2024, 09:56, Editorial Elvi FUNDO
Varka e Ramës dhe fyelli i Lorenc Vangjelit
Edi Rama dhe Lorenc Vangjeli

Gazetari dhe analisti rilindas, Lorenc Vangjeli, në një opinion të dhënë prej tij në “Çim Peka live”, në “Syri TV”, ka qenë mjaft i qartë në mbrojtje të kryebashkiakut Erion Veliaj dhe i pakënaqur nga lëvizjet e bëra nga kryeministri Rama në lidhje me njerëzit që ky i fundit ka vendosur si drejtues politikë në qarqe.

Shpesh Lorenci është sa militant i Rilindjes, sa adhurues i saj, sa armik i opozitës, sa i pavërtetë për hajdutëritë e pushtetit, aq dhe i pëlqen roli i atij arapçiut që rri diku në një anije në cep të saj apo në daljen e një porti apo diku në pazarin e ndonjë qyteti dhe i fryn fyellit që nga voza të dalë gjarpri. Ja nxjer shpirti.

Lorenc Vangjeli do të ishte shumë dinjitoz në rast se do të thoshte se cilët janë pasagjerët në anije, kush janë ata që u japin rremave apo ata që ndezin motorët, kush janë ata që ulin apo ngrenë velat, kush janë ata që i japin drejtimin përveç kapitenit, kush janë ndihmësit e tij? Pasagjerët që hip e zbret kapiteni?!

Lorenc Vangjeli nuk na i thotë sepse ai është bashkëpunëtor apo ka qenë pjesë e anijes për ta sjellë në pushtet në vitin 2013 ku ai ishte mbushur plot me kriminelë, plot me të dënuar që iu dogjën mandatet.

Problemet e anijes së Edi Ramës 

Ishte një anije e mbushur plot me hajdutë dhe të korruptuar. Kabineti i Ramës ka rënë i gjithi. Një pjesë kanë rënë në burg, një pjesë kanë marrë arratinë, një pjesë presin të shkojnë në burgje, ka dhe nga ata të mandatit të dytë. Nuk na thotë se anija e Edi Ramës ishte e mbushur plot korrupsion, me armë krimi.

Të tillë ka dhe sot plot, problemi i anijes së Edi Ramës nuk është se zbritën ca banditë dhe të korruptuar, disa banditë të mandatit të parë apo se iku LSI-ja me plot hajdutë. Historitë dhe zullumet ndodhën dhe në mandatin e dytë, po ndodhin dhe në tretin.

A janë më pak a më shumë këtë do ta shohim, por fakti është se anija është plot me hajdutë. Dhe, më shumë sesa kë vë Edi Rama në komandë, më të panjohur duke pandehur se i ka më të rinj, i ka më të ndershëm, që do t’i bëjnë ndonjë punë, problemi i anijes së Edi Ramës është se ka ende hajdutë brenda saj.

Hajdutët në anijen e Ramës

Lorenc Vangjeli, ajo që duhet t’i thotë opinionit është se Edi Rama duhet të zbresë hajdutët nga anija dhe jo t’i marrë ata në mbrojtje me emërime apo injorim të Gjykatës Kushtetuese.

Ai nuk ka pse shqetësohet se po triblohet Erion Veliaj në kryeqytet apo po vendosen të rinj në sekretariate, qoftë dhe ata që duken si servilë.

Secili prej tyre është më i ndershëm me qindra herë se udhëtari më i ndershëm i anijes të kapitenit Rama, pavarësisht që mund të jenë servilë dhe qesharakë në argumentet politike.

Problemi i anijes së Edi Ramës është se mban në bord, kreun e organizatës së hajdutëve në Bashkinë e Tiranës, Erion Veliajn, problemi i Edi Ramës është se në anije mban dhe beson tek ata që i vjedhin velat, tek ata që i vjedhin rremat (lopatat), ia copëtojnë anijen, tek ata që ia shpojnë anijen.

Ky është problemi i anijes së Edi Ramës, jo se i merr nga fundi i nxjerr përpara e nuk respekton radhën.

Por Lorenc Vangjeli këtë nuk mund t’ua thotë se ai vazhdon t’i bjerë fyellit të gjarprit sa në anije, sa atje ku ankorohet ajo apo në pazarin ku shkon anija e Edi Ramës./ CNA

 





Lajmet e fundit nga